हिंदी चित्रपट सृष्टीतील प्रसिद्ध कलाकार आयुषमान खुराना हा नेहमीच चॅलेंजींग भूमिका करायला उत्सुक असतो. त्याच्या अभिनय कौशल्याने त्याने प्रेक्षकांचे मन जिंकले आहे. 'विकी डोनर' या चित्रपटातून आयुषमानने अभिनय क्षेत्रात काम करायला सुरूवात केली. 'रोडिज' या रियालिटी शोमध्ये आयुषमाने भाग घेतला होता. अंधाधूंद, बरेली की बर्फी, शुभ मंगल ज्यादा सावधान, बधाई हो, ड्रिम गर्ल,बाला या चित्रपटांमधून आयुषमानने प्रेक्षकांचे मनोरंजन केले.ओटीटी प्लॅट फॅार्म वर रिलीज झालेल्या गुलाबो सिताबो या चित्रपटामध्ये आयुषमाननला हिंदी चित्रपट सृष्टीतील महानायक अमिताभ बच्चन यांच्या सोबत काम करण्याची संधी मिळाली. 

सुपर ब्रेन 'शकिरा' IQ 140 पेक्षा जास्त; येतात चार भाषा
 
समाजातील जातींव्यवस्थेवर भाष्य करणारा  'आर्टिकल १५' या चित्रपटाला बॅाक्स अॅाफिसवर चांगले यश मिळाले. या चित्रपटातील आयुषमानच्या भूमिकेला प्रेक्षकांची चांगलींच पसंती मिळाली. जातीव्यवस्था हा विषय लोकांसमोर आणल्यामुळे या चित्रपटाचे निर्मिते अभिनव सिन्हा यांचं विशेष कौतुक झालं. या चित्रपटाच्या यशानंतर अनुभव सिन्हा आणि आयुषमान खुराना यांची जोडी पुन्हा एकत्र काम करणार आहेत. 

चर्चा अतुल कुलकर्णीच्या 'रिटायरमेंट'ची; सोशल मीडियावर पोस्ट व्हायरल

आयुषमानने सोशल मिडियावर फोटो पोस्ट केला आहे. या फोटोमध्ये त्याच्या आगामी चित्रपटाची माहिती आयुषमानने दिली आहे. दिग्दर्शक अनुभव सिन्हा आणि आयुषमान गेले काही दिवस ईशान्य भागाच्या दौर्यावर गेले होते. या चित्रपटाचे नाव 'अनेक' असे आहे. अनुभव सिन्हा सोबतचा आणि या चित्रपटातील त्याच्या लुकचा फोटो आयुषमानने सोशल मिडियावर पोस्ट केला आहे. 'अनुभव सरांसोबत पुन्हा एकत्र काम करण्यासाठी मी खूप उत्साही आहे. या चित्रपटाची निर्मिती अनुभव सिन्हा आणि भूषण कुमार करत आहेत'असं कॅप्शन आयुषमानने या पोस्टला दिले आहे.

Edited By - Prashant Patil