मुंबई : बॉलिवूडमधील प्रसिध्द अभिनेता इरफान खानच्या अभिनयाचा चाहता वर्ग मोठा आहे. त्यांनी हिंदी चित्रपटांसोबतच, हॉलिवूडमध्ये देखील काम केले आहे. ते कॅन्सर रोगासोबत लढा देत होते. 29 एप्रिल 2020 रोजी मुंबईच्या कोकिलाबेन रुग्णालयात अखेरचा श्‍वास घेतला. त्यांच्या निधनाने बॉलिवूडमधील एक मोलाचा हिरा गमावला अशी हळहळ  दिग्गजअभिनेत्यांनी आणि त्यांच्या चाहत्यांने व्यक्त केली. भारत सरकार आणि राजकीय नेते यांनी इरफानच्या निधनाबद्दल दु:ख व्यक्त केले. 

हिंदी चित्रपटसृष्टीमधील प्रसिध्द अभिनेत्री दिया मिर्झा 15 फेब्रुवारी रोजी वैभव रेखी सोबत लग्नाच्या बंधनात अडकली

इरफान खान यांचा मुलगा बाबिलने नुकताच एक व्हिडिओ सोशल मिडीयावर शेअर केला आहे. या व्हिडीओमध्ये इरफान खानची डायरी दिसत आहे. बाबिलने हा व्हिडिओ शेअर करत कॅप्शन लिहीले,' मला माझ्या वडिलांच्या कपाटात ही नोटबुक मिळाली. ती वही मी 12 वर्षांचा असताना त्यांना दिली होती. यामध्ये त्यांनी माझ्यासाठी अभिनयाच्या काही टिप्स लिहील्या आहेत. मला वाटतय की फिल्म स्कुलनंतर त्यांना मला शिकवायचे होते. त्यामुळे मला असे वाटत आहे की माझ्या हातात खजाना सापडला आहे. मी तुमच्यासोबत यातील काही नोट्स शेअर करतो, कारण माझी इच्छा आहे की, तुम्ही विचार करावा की मी चांगला माणूस आहे.' बाबिलला अभिनय क्षेत्रात काम करण्याची इच्छा आहे. सध्या तो परदेशात शिक्षण घेत आहे.  

इरफान यांनी अनेक चित्रपटांमधून प्रेक्षकांचे मनोरंजन केले आहे. नेमसेक, स्लमडॉग मिलियोनेर, लाइफ ऑफ पाय या इंग्रजी चित्रपटांमध्ये इरफान खानने काम केले आहे. पानसिंग तोमर, मकबूल, लाईफ इन मेट्रो या चित्रपटांतील त्यांच्या अभिनयाचे विशेष कौतुक झाले. तसेच प्रसिध्द मालिका भारत एक खोजमध्ये देखील इरफानने काम केले. २०११ मध्ये त्यांना पद्मश्री पुरस्काराने सन्मानित करण्यात आले.