प्रसिद्ध निर्माते बाबूभाई लतीवाला यांचं निधन झालंय. वांद्रे येथील होली फॅमिली हॉस्पिटलमध्ये पहाटे 2 वाजता त्यांचे निधन झाले.

बॉम्बिनो व्हिडीओ ही बाबूभाई लतीवाला यांची कंपनी होती. बॉम्बिनो व्हिडिओ या प्रायव्हेट लिमिटेड कंपनीने 1995 मध्ये सलमान खानच्या वीरगती सिनेमाचीची निर्मिती केली होती. त्यामुळे बाबूभाई लतीवाला यांचं सलमान खानसोबत खास कनेक्शन होतं.

(babubhai latiwala passed away who produced salman khan movie veergati)

बाबूभाईंच्या जवळच्या सहकाऱ्यांकडून मिळालेल्या माहितीनुसार बाबूभाईंची अंतिमदर्शन आज दुपारी ४ वाजता त्यांच्या राहत्या घरी ठेवण्यात आलंय. त्यांचं निवासस्थान - ९०२, ब्रीझी हाईट्स, शेर्ली राजन रोड, रिझवी लॉ कॉलेजच्या पुढे, वांद्रे पश्चिम येथून त्याची अंतिमयात्रा निघेल. नमाजनंतर सांताक्रूझ कब्रिस्तान त्यांच्यावर रितीरिवाजानुसार अंत्यसंस्कार करण्यात येतील.

बाबूभाईंनी वीरगती चित्रपटाची निर्मिती केली होती. १९९८ साली आलेल्या तिरछी टोपीवाले या सिनेमाचे लेखक, निर्माते म्हणून बाबूभाई लतीवाला यांनी जबाबदारी सांभाळली आहे.

वीरगती सिनेमात सलमान खान सोबतच पूजा डडवाल आणि फरीदा जलाल यांच्या प्रमुख भुमिका होत्या. तर तिरछी टोपीवाले सिनेमात चंकी पांडे, मोनिका बेदी, इंदर कुमार, आलोक नाथ आणि कादर खान मुख्य भूमिकेत होते.

बाबूभाईंच्या निकटवर्तीयाने सांगितले की, बाबूभाई एक लो-प्रोफाइल माणूस. बाबूभाई ऑकलंडमध्ये काही काळापासून स्थायिक झाले होते.

मृत्यूआधी काही दिवस ते भारतात होते असा आमचा अंदाज आहे. दोन दिवसांपूर्वी त्यांना हृदयविकाराचा झटका आला आणि काल रात्री त्यांनी अखेरचा श्वास घेतल्याचे आम्हाला सांगण्यात येत आहे. बाबूभाईंच्या कुटुंबावर दु:खाचा डोंगर कोसळला आहे.