Goutam Halder Died: मनोरंजन चित्रपटसृष्टीतून बंगाली अत्यंत दु:खद बातमी समोर आली आहे. प्रसिद्ध बंगाली चित्रपट निर्माते आणि थिएटर कलाकार गौतम हलदर यांचे निधन झाले आहे. गौतम हलदर यांचे शुक्रवारी कोलकाता येथे हृदयविकाराच्या झटक्याने निधन झाले.

वयाच्या 67 व्या वर्षी खासगी रुग्णालयात त्यांनी अखेरचा श्वास घेतला. छातीत दुखू लागल्याने हलदर यांना रुग्णालयात दाखल करण्यात आले होते तेथेच त्यांचे निधन झाले.

त्यांच्या मृत्यूने मनोरंजन विश्वावर शोककळा पसरली आहे. पश्चिम बंगालच्या मुख्यमंत्री ममता बॅनर्जी यांनीही सोशल मीडियावर गौतम हलदर यांच्या निधनावर शोक व्यक्त केला आहे.

गौतम हलदर यांनी नुकत्याच झालेल्या रवींद्रनाथ टागोरांच्या 'रक्त कारबी'सह 80 स्टेज प्रॉडक्शन्सचे दिग्दर्शन केले होते. हलदर यांनी 2003 मध्ये 'भलो थेको' हा पहिला बंगाली चित्रपट बनवला होता, ज्यामध्ये अभिनेत्री विद्या बालन मुख्य भूमिकेत दिसली होती. त्यानंतर त्यांनी 2019 मध्ये 'निर्वाण' देखील दिग्दर्शित केला होता, ज्यामध्ये राखी गुलजार मुख्य भूमिकेत होत्या.

'प्रसिद्ध चित्रपट दिग्दर्शक आणि थिएटर कलाकार गौतम हलदर यांच्या निधनाने मला दु:ख झाले आहे. त्यांच्या निधनाने सांस्कृतिक जगताची मोठी हानी झाली आहे. त्यांच्या कुटुंबीयांना माझ्या संवेदना." अशा शब्दात त्यांच्या निधनावर शोक व्यक्त पश्चिम बंगालच्या मुख्यमंत्री ममता बॅनर्जी यांनी शोक व्यक्त केला आहे.

गौतम हलदरचे चाहते आणि बंगाली चित्रपटसृष्टीतील लोक सोशल मीडियावर त्यांना श्रद्धांजली देत आहेत.

गौतम हलदर यांना अंतिम श्रद्धांजली वाहण्यासाठी विद्या शुक्रवारी संध्याकाळी कोलकाता येथे पोहोचल्याचा दावा केला जात आहे. निर्मात्याच्या आकस्मिक निधनाने दु:ख झाल्याचे तिने सांगितले.

विद्या बालनने 2003 मध्ये 'भलो थेको' चित्रपटाद्वारे पदार्पण केले होते, ज्यामध्ये ज्येष्ठ अभिनेत्री राखी गुलजार मुख्य भूमिकेत होत्या. विद्या बालन त्यांच्या पहिल्या चित्रपटात मुख्य अभिनेत्री होती.