bhau kadam
bhau kadam 
मनोरंजन

"भाऊ कदम यांचं पाठांतर चालू आहे, सगळ्यांनी शांत रहा"; पाहा भन्नाट व्हिडीओ

स्वाती वेमूल

'चला हवा येऊ द्या' या कार्यक्रमातून आपल्या विनोदबुद्धीने अभिनेता भाऊ कदमने प्रेक्षकांच्या मनात विशेष स्थान निर्माण केलंय. महाराष्ट्राच्या घराघरात भाऊ कदम परिचित आहे. कार्यक्रमात आपल्या अचूक विनोदी टायमिंगने प्रेक्षकांना खळखळून हसवणारा भाऊ खऱ्या आयुष्यात मात्र साधाभोळ्या स्वभावाचा आहे. 'चला हवा येऊ द्या' या कार्यक्रमातील त्याचा सहकलाकार कुशल बद्रिकेने नुकताच भाऊचा एक व्हिडीओ शूट करून सोशल मीडियावर पोस्ट केला आहे. कार्यक्रमाची स्क्रिप्ट पाठ करण्यासाठी त्याला देण्यात आली होती. मात्र ते पाठ करता करता भाऊला डुलकी लागली. त्याचाच हा मजेशीर व्हिडीओ कुशलने पोस्ट केला असून सोशल मीडियावर तो चांगलाच व्हायरल होत आहे. 

'भाऊ कदम यांचं पाठांतर चालू आहे, सगळ्यांनी शांत रहा,' असं कॅप्शन कुशलने या व्हिडीओला दिलं आहे. स्क्रिप्ट पाठ करताना भाऊला झोप लागते. बसल्या बसल्याच डुलकी घेताना तो अचानक जागा होतो. तेव्हा कुशल त्याला म्हणतो, "भाऊ, झोपत का नाहीस आडवा?" त्यावर भाऊ त्याला म्हणतो, "नाही रे, स्क्रिप्ट पाठ करतोय." कुशलने हा व्हिडीओ लपून काढला आहे, हे भाऊला समजतच नाही. या व्हिडीओला एक लाखाहून अधिक व्ह्यूज मिळाले आहेत. भाऊचा हा व्हिडीओ पाहून तुम्हालाही हसू आवरणार नाही. 

'भाऊ' या नावामागचा रंजक किस्सा
भाऊ कदमचं मूळ नाव भालचंद्र कदम असं आहे. मात्र त्याला सगळे भाऊ या नावानेच ओळखतात. त्याला हे नाव कसं पडलं याबाबत खुद्द त्यानेच एका मुलाखतीत सांगितलं. "मी लहान असताना माझी आई मला भाऊ या नावाने हाक मारायची. तेव्हापासून भाऊ असंच नाव सर्वांच्या तोंडी बसलं. माझी ओळख करून देतानाही भाऊ हेच नाव उच्चारू लागले. व्यावसायिक नाटक करतानाही मला भाऊ म्हणूनच हाक मारू लाहले. त्यामुळे आता ते भाऊ कदम असंच नाव कायमचं झालं आहे", असं तो म्हणाला. 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

कोरोना लसीच्या सर्टिफिकेटवरुन PM मोदींचा फोटो काढला! आरोग्य मंत्रालयाने का घेतला निर्णय?

Goldy Brar: गोल्डी ब्रार जिवंत! कॅलिफोर्नियात मारलेली व्यक्ती दुसरीच; अमेरिकन पोलिसांचा खुलासा

Vishal Patil: "विशाल पाटील भाजपची बी टीम," चंद्रहार पाटलांचा सनसणीत आरोप; प्रचाराच्या अंतिम टप्प्यात सांगलीचा पार चढणार

Johnson Baby Powder: जॉन्सन अँड जॉन्सन कर्करोगाचे खटले निकाली काढणार; कंपनी देणार 6.5 अब्ज डॉलर्सची भरपाई

Latest Marathi News Live Update : ठाकरे गटाच्या जाहिरातीत पॉर्न स्टार- चित्रा वाघ

SCROLL FOR NEXT