सध्या मनोरंजन विश्वाला ग्रहण लागल्याचं दिसत आहे. साऊथ फिल्म इंडस्ट्रीपासून ते बॉलीवूड अनेक महान कलाकार यांच्या मृत्यूच्या धक्क्यातुन बाहेर निघत नाही तेच आता आता भोजपुरी सेलिब्रिटींचा मृत्यू झाला आहे.

भोजपुरी फिल्म इंडस्ट्रीतून एक धक्कादायक बातमी समोर आली ज्यानंतर सर्वच कलाकार धक्क झाले आहे. अभिनेत्री आकांक्षा दुबे हिनं आत्महत्या केली आहे. शूटिंगनंतर ती हॉटेलमध्ये गेली आणि तिथे आत्महत्या केली.

बनारसमधील सारनाथ हॉटेलमध्ये तिनं तिचं जीवन संपवलं आहे. बनारसमध्येच ती तिच्या एका प्रोजेक्टचं शूटिंग करत होती.

आकांक्षाने हे पाऊल का उचललं या मागच कारण अद्याप समोर आलेलं नाही.हॉटेलमध्ये गेल्यावर अचानक असे काय झाले? असे सर्व प्रश्न उपस्थित होत आहेत. या प्रकरणी पोलिसांनी आता तपास सुरू केला आहे. लवकरच याची माहिती मिळेलं.

आकांक्षा दुबेबद्दल सांगायचं झालं तर तिचा जन्म 1997 मध्ये उत्तर प्रदेशातील मिर्झापूर येथे झाला. 2019 मध्ये 'मेरी जंग मेरा फैसला' या चित्रपटातून आकांक्षाने अभिनय क्षेत्रात पदार्पण केलं. त्यात तिची छोटीशी भूमिका होती.

त्यानंतर आकांक्षाने 'मुझसे शादी करोगी' आणि 'साजन' सारखे चित्रपट केले. आकांक्षा दुबेला नृत्य आणि अभिनयाची खूप आवड होती.

ती टिकटॉकपासून इंस्टाग्रामपर्यंत खूप सक्रिय होती. आकांक्षा दुबे अनेकदा तिच्या डान्सचे व्हिडिओ आणि रील इन्स्टाग्रामवर शेअर करत असे. आत्महत्येच्या एक दिवस आधीही आकांक्षा दुबेने तिचा एक रील इन्स्टाग्रामवर शेअर केला होता.

आकांक्षा दुबेच्या वैयक्तिक आयुष्याबद्दल बोलायचं झालं तर ती अभिनेता समर सिंगला डेट करत होती.

यावर्षी व्हॅलेंटाईन डेच्या दिवशी आकांक्षा दुबेने इंस्टाग्रामवर रोमँटिक फोटो शेअर करून समर सिंहसोबतचे नाते अधिकृत केले.

तिच्या इन्स्टाग्रामवरच्या स्टोरीला पाहिल्यानंतर तिचं ब्रेकअप झालं होतं का असा प्रश्न उपस्थीत झाला आहे.