मुंबई : अभिनेता सुशांत सिंह राजपूतच्या निधनानंतर आता नैराश्येचा आणि मानसिकदृष्ट्या खचलेल्या एकेक कलाकारांच्या कहाण्या पुढे येऊ लागल्या आहेत. बिग बॉस 11 तसेच काही मालिकांमध्ये काम करणाऱ्या झुबेर खानने आपल्या फेसबुक अकाऊंटवर आपल्या नैराश्येची कहाणी लिहिली आहे. ती वाचल्यानंतर सगळ्यांचे मन नक्कीच हेलावल्याशिवाय राहणार नाही.
बिग बॉसच्या 11 व्या सीझनमध्ये झुबेर खानसह हिना खान, विकास गुप्ता, शिल्पा शिंदे आदी कलाकार सहभागी झाले होते. या शोमध्ये शिल्पा शिंदे विजेती ठरली होती. तर झुबेर खान पहिल्याच आठवड्यात घराबाहेर पडला होता. बिग बॉस शोचा होस्ट सलमान खान याच्याशी त्याचा तेव्हा काही तरी वाद झाला होता. त्यानंतर त्याने झोपेच्या गोळ्या खायला सुरुवात केली होती.
आपल्या फेसबुक पोस्टमध्ये झुबेर म्हणतो, की मी आज अल्लाहमुळे जिवंत आहे. गेली काही वर्षे मी मानसिक ताणतणावाखाली होतो. मला खूप नैराश्याने ग्रासलेले होते. त्यावरती उपाय सुरू आहेत. आजही मी एक मेन्टल पेशंट आहे आणि दररोज औषधे घेत आहे. नैराश्यातून आनंद मिळावा, यासाठी मी लहान मुलांमध्ये रमतो आहे. झुबेर खानचे स्वतःचे प्रॉड्क्शन हाऊस आहे आणि त्याद्वारे त्याने एका चित्रपटाची निर्मितीही केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.