मुंबई : कोरोनामुळे देशात लॉकडाऊन करण्यात आले. चित्रीकरण आणि चित्रपटगृहे बंद करण्यात आली. लॉकडाऊन दिवसेंदिवस वाढत चालल्यामुळे बिग बजेट चित्रपट तसेच मालिकांचे उभारलेले सेट्सचे काय होणार असा प्रश्न विचारला जात होता. काही जणांनी पावसाळा तोंडावर आल्यामुळे आपला सेट तोडण्याचा निर्णय घेतला.
निर्माते व दिग्दर्शक संजय लीला भन्साळी यांच्या गंगूबाई काठियावाडी या चित्रपटाच्या सेटबाबतही उलटसुलट चर्चा रंगल्या होत्या. मात्र, आता तो सेट तोडण्यात येणार नाही, अशी माहिती मिळाली आहे. सरकारने चित्रीकरणाला काही अटी आणि नियमांद्वारे परवानगी दिल्यामुळे तेथे लवकरच चित्रीकरण सुरू करण्यात येणार आहे.
वाचा ः धक्कादायक! मुंबई महापालिका उपायुक्तांचं कोरोनानं निधन...
महाराष्ट्र सरकारने काही नियम आणि अटींनुसार चित्रीकरणाला परवानगी दिली आहे. त्यामुळे काही प्राॅडक्शन हाऊसेस चित्रीकरणाबाबत विचारविनिमय करीत आहेत. चित्रपट संघटनाही त्याबाबतीत सक्रिय झाल्या आहेत. गोरेगाव येथील चित्रनगरीत मालिका आणि चित्रपटांचे सेट उभारलेले आहेत. गंगूबाई काठियावडी या चित्रपटाचा सेट चित्रनगरीत उभारलेला आहे. आता पावसाळा सुरू झाला आहे. त्यामुळे सेटची अतिशय काळजी घेण्यात येत आहे. संपूर्ण सेटला ताडपत्रीचे आच्छादन घालून झाकण्यात आले आहे. तेथे दहा ते बारा कर्मचारी काम करीत आहेत आणि सेटची पुरेपूर काळजी घेत आहेत.
हा सेट कोट्यवधी रुपये खर्चून उभारण्यात आला आहे आणि लाकडाऊनमुळे तो तोडण्यात येईल असेच सगळे जण खासगीत बोलताना सांगत होते. परंतु आता तो सेट तोडण्यात येणार नाही. अभिनेत्री आलिया भट या चित्रपटात मुख्य भूमिका साकारीत आहे. काही चित्रीकरण बाकी आहे आणि आता ते लवकरच करण्यात येईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.