Bigg Boss 16 Finale Details: बिग बॉस १६ च्या फिनालेला आता काहीच दिवस बाकी आहेत. १२ फेब्रुवारी रोजी विजेत्याचं नाव घोषित केलं जाईल.

सध्या टॉप ५ मध्ये प्रियंका चाहर चौधरी,अर्चना गौतम,शिव ठाकरे,एमसी स्टेन आणि शालीन भनोट हे आहेत.

जर अजूनही आपल्या मनात शो च्या फिनाले विषयी काही प्रश्न असतील..म्हणजे तो कुठे,किती वाजता दिसणार..तर चला जाणून घेऊया याविषयी सविस्तर.(Bigg Boss 16 Finale Time, date, Live Streaming details)

बिग बॉस १६ चा फिनाले सलमान खान होस्ट करणार आहे. रात्री ९ वाजल्यापासून १२ वाजेपर्यंत हा फिनालेचा सोहळा रंगणार आहे. हा फिनाले १२ फेब्रुवारीला स्ट्रीम केला जाणार आहे.

या फिनालेच्या सोहळ्याला आपण कलर्स वाहिनीवर पाहू शकता. जर काही कारणानं आपण हा फिनाले टी.व्हीवर पाहू शकला नाहीत तर बिग बॉस लाइव्ह स्ट्रिमिंगचा आनंद देखील घेऊ शकता. यासाठी जिओ टीव्हीवर जाऊन कलर्स चॅनल तिथे पाहू शकता.

याव्यतिरिक्त वूटवर देखील पाहू शकता. पण त्यासाठी आपल्याला याचं सबस्क्रिप्शन घ्यावं लागेल.

बिग बॉस १६ मध्ये तुम्हाला जर तुमच्या फेव्हरेट कंटेस्टंटला जिंकताना पहायचं असेल तर आपल्याला त्याला वोट करणं भाग आहे. वोटिंग करण्याची पद्धत खूपच सोपी आहे. यासाठी वूट अॅप किंवा वेबसाईटवर जाऊन आपण वोट करू शकता.

याव्यतिरिक्त MYJio अॅप वर जाऊन देखील आपण वोटिंग करू शकता. अॅपवर जाऊन आपल्याला अतिशय साधी-सोपी प्रोसेस फॉलो करायची आहे. पण यासाठी आपल्याला अॅपवर आपलं एक अकाउंट ओपन करावं लागेल. मग तेव्हाच आपण १२ फेब्रुवारी दुपारी १२ पर्यंत आपण वोट करू शकता.

बिग बॉस ग्रॅंड फिनालेमध्ये लवकरच विजेत्याचं नाव समोर येईल. या क्षणाची सगळेच चातकासारखी वाट पाहत आहेत.

मीडिया रिपोर्ट्सनुसार समोर आलं आहे की,या सिझनच्या विजेत्याला तब्बल २१ लाख ८० हजार एवढी रक्कम मिळणार आहे. ही रक्कम ५० लाख होईल असं बोललं जात होतं..पण तसं केलं गेलेलं नाही.