Bigg Boss 16 News Shilpa Shetty Husban Raj Kundra : सलमान खानचा लोकप्रिय रिअॅलिटी शो बिग बाॅसचा नवीन सीझन लवकरच प्रेक्षकांच्या भेटीला येत आहे. कार्यक्रमाला घेऊन चर्चेला उधाण आले आहे. यात कोणते कलाकार सहभागी होणार? त्यांची नावे समोर येत आहेत. मात्र आता या यादीत नवीन नाव जोडले गेले आहे, त्याविषयी ऐकून तुम्हाला धक्का बसू शकतो.

राज कुंद्रा बिग बाॅसमध्ये?

नव्या वृत्तानुसार सलमान खानचा (Salman Khan) रिअॅलिटी शो बिग बाॅसमध्ये बाॅलीवूड अभिनेत्री शिल्पा शेट्टीचा पती राज कुंद्राही (Raj Kundra) दिसू शकतो. कुंद्राला बिग बाॅस १६ साठी (Bigg Boss) निर्मात्यांकडून बोलवले गेल्याचे वृत्त आहे.

कार्यक्रमाचे निर्माते आणि राज कुंद्रा दरम्यान बिग बाॅसवरुन चर्चा सुरु आहे. तो सहभागी होण्याचा विचार करत आहे. त्याची सत्य बाजू आणि वास्तव देशासमोर यायला हवे, असे त्याला वाटत असल्याचे सूत्रांनी सांगितले.

शमिताही..

राज कुंद्रापूर्वी बिग बाॅसच्या मागील सीझनमध्ये शिल्पा शेट्टीची बहीण शमिता शेट्टीही सहभागी होती. शमिता प्रथम बिग बाॅस ओटीटीचा भाग बनली होती. त्यानंतर ती बिग बाॅस १५ मध्ये दिसली होती.