'बिग बॉस 17' गेल्या काही दिवसांपासून प्रेक्षकांचे मनोरंजन करत आहे. या शोमधील अनेक स्पर्धकांनी प्रेक्षकांच्या मनात स्थान निर्माण केलं आहे. त्यातीलच एक स्पर्धक म्हणजे अंकिता लोखंडे. अंकिताने पहिल्या दिवसापासून गेम खेळायला सुरुवात केली आणि ती प्रेक्षकांची लाडकी बनली आहे. मात्र या शोमध्ये अंकिताने खुप खुलासे केले आहे. त्यातच आता पुन्हा अंकिताने दिवंगत अभिनेता सुशांत सिंग राजपूतची आठवण काढली आहे.

नुकत्याच झालेल्या एपिसोडमध्ये अंकिता मुनव्वर फारुकीसोबत सुशांत सिंग राजपूतबद्दल बोलताना दिसली. ती मुनव्वरला तिच्या तुटलेल्या हृदयाबद्दल सांगत असते. यावर मुनव्वर एक कविता ऐकवतो आणि मग अंकिता त्याला म्हणते की 'म्हणू नकोस, हे सगळं खूप जिव्हारी लागत , पण तू जे काही बोललास ते मला आवडलं.' यानंतर अंकिता सुशांतच्या 'धोनी: द अनटोल्ड स्टोरी'मधील 'कौन तुझे' हे गाणे गाऊ लागते.

सुशांतची आठवण काढताना अंकिता सांगते की तो खूप चांगला माणूस होता. जेव्हा मी असं म्हणते की 'होता' त्यावेळी खुप वेगळं वाटतं. सुशांत विकीचाही मित्र होता, पण तो आता या जगात नाही, ही भावना खूप वाईट आहे.

'मला याबाबत आत्ताच काही बोलायचे नाही, पण असे नाही की मला तुला काही सांगायचं नाही आहे. यावेळी अंकिताने खुलासा केला की ती सुशांतच्या अंत्यसंस्कारात ती सहभागी होऊ शकली नाही कारण ही बातमी तिच्यासाठी धक्कादायक होती.

पुढे अंकिता म्हणाली, 'मी त्यांच्या अंत्यसंस्कारालाही गेले नव्हते. मी जाऊ शकली नाही, मला वाटलं की मी हे सर्व पाहण्याची ताकद माझ्यात नाही. विकी म्हणाला की तू जाऊन ये. मी नाही म्हणाले. मी कसे पाहू शकली असते? असा अनुभव माझ्या आयुष्यात कधीच आला नव्हता. मी माझ्या वडीलांचे जाणे हे पहिल्यांदा असे पाहिले. एखाद्याला गमावणं काय असतं हे मी पहिल्यांदा शिकले. सध्या अंकिता लोखंडे तिच्या पतीसोबत बिग बॉसमध्ये गेम खेळताना दिसत आहे.