Bigg Boss Ott 2: बिग बॉस गेल्या काही दिवासांपासून प्रेक्षकांचे मनोरंजन करत आहे. घरात वाईल्ड कार्ड एंट्रीने आलेल्या यूट्यूबर एल्विश यादव घरात येताच घराचा ताबा मिळवला आहे.

अविनाश सचदेव व्यतिरिक्त, तो बाकीच्या स्पर्धकांसोबत मस्ती करतांना दिसत आहे. मात्र घरात एका टिमला तो फारसा आवडत नाही ज्यात जिया आणि अविनाश, फलक यांचा समावेश आहे.

22 जुलैच्या एपिसोडबद्दल बोलायचं झालं तर होस्ट सलमान खानने वीकेंड का वारमध्ये जिया शंकरला जोरदार क्लास घेतला आहे. कारण तिने एल्विश यादवला साबणचे पाणी प्यायला दिले होते.

यावर सलमान तिला फटकारतांना बोलला की, एखाद्याला पाणी देणं हे पुण्याचं काम आहे आणि तू ते साबणामध्ये मिसळून त्याला दिले. याशिवाय सलमानने हँडवॉशची बाटलीत किती केमिकल आणि अॅसिड असतं. ते प्यायल्याने कोणाच्याही आरोग्याला हानी पोहोचू शकते, हे सगळ सांगतिलं.

जियानंतर सलमाननं मनीषा राणीचाही क्लास घेतला. तिला घरात फेक लव्ह गेम खेळू नको असा सल्लाही तिला दिला.

'बिग बॉस तक' आणि 'बिग बॉस खबरी' यांच्या पोर्टलनुसार, या आठवड्यात बिग बॉस ओटीटी 2 मध्ये दोन स्पर्धक घराबाहेर जाणार आहेत.

आशिका भाटिया, एल्विश यादव, जिया शंकर, जेडी हदीद, फलक नाझ आणि अविनाश सचदेव यांच्यासह 6 स्पर्धकांना या आठवड्यात नॉमिनेट आहेत.

जैद हदीद आणि फलक नाझ यांना घराबाहेर काढण्यात येणार असा दावा रिपोर्टमध्ये करण्यात येत आहे.

'बिग बॉस ओटीटी 2' सध्या जिओ सिनेमावर सुरु आहे. शोच्या स्पर्धकांमध्ये पूजा भट्ट, अभिषेक मल्हान, अविनाश सचदेव, मनीषा राणी, जिया शंकर, जेडी हदीद, फलक नाज आणि बाबिका धुर्वे, आशिका भाटिया आणि एल्विश यादव हे स्पर्धक आहे. ऑगस्टच्या दुसऱ्या आठवड्यात शोचा विनर कोण हे सर्वांना कळेल.

तर बिग बॉसच्या घरात सगळ्यात जास्त वोट एल्विश यादवला मिळाले आहेत. सोशल मिडियावर फक्त एल्विशचीच चर्चा सुरु आहे.