मुंबई- अजूनही आपल्या कामानं चाहत्यांमध्ये लोकप्रिय असणाऱ्या कलाकारांची कमी काही बॉलीवूडमध्ये नाही. त्यात वानगीदाखल काही नावं सांगायची झाल्या, बॉलीवूडचे महानायक अमिताभ बच्चन, अनुपम खेर, नसिरुद्दीन शहा आणि अनिल कपूर यांच्या नावाचा समावेश करावा लागेल. गेल्या काही दिवसांपासून अनिल कपूर यांच्या नावाची मोठ्या प्रमाणात चर्चा आहे. 38 वर्षांपासून ते या क्षेत्रामध्ये कार्यरत आहेत. वयाची 64 वर्षे पूर्ण करणाऱ्या अनिल कपूर यांना नेटकऱ्यांनी एका प्रतिक्रियेवरुन ट्रोल केले आहे. अखेर त्यांना त्यावर उत्तर द्यावं लागलं आहे.

अनिल कपूर यांना चाहते अजूनही त्यांच्या तारुण्याचे रहस्य विचारतात. त्याचं झालं असं की, ते अरबाज खानच्या पिंच नावाच्या शो मध्ये आले होते. त्यावेळी त्यांनी आपल्या तारुण्याचे रहस्य चाहत्यांना सांगितले. मात्र त्यांच्या त्या प्रतिक्रियेवर काही जणांनी नाराजी व्यक्त केल्याचे दिसून आले आहे. यावेळी अनिल कपूर यांनी सांगितलं होतं की, आपण पत्नीसाठी नेहमीच वेगवेगळ्या प्रकारच्या रोमँटिक पोस्ट शेयर करत असल्याचे सांगितले होते. त्यावरुन त्यांना ट्रोल करण्यात आले होते. तेव्हा अरबाजनं अनिल यांना त्यांच्या तारुण्याच्या रहस्याविषयी विचारले होते. अनिल कपूर म्हणाले, आपल्या देवानं आयुष्य दिलं आहे ते चांगलं ठेवण्याचा प्रत्येकानं प्रयत्न केला पाहिजे.

आपल्या सगळ्यांजवळ 24 तास आहेत. मात्र आपल्याला स्वतासाठी एक तास द्यायचा आहे. त्यावेळी अनिल कपूर यांनी जे लोक आपल्याला तारुण्य टिकून राहावं म्हणून सापाचं विष घेतो तसेच प्लॅस्टिक सर्जन बरोबर असल्याचा आरोप करतात त्यांना सांगितलं आहे की, मी यापैकी काहीही करत नाही. रोजच्या रोज व्यायाम करणं, योग्य तो आहार घेणं, पुरेशी विश्रांती घेणं या गोष्टी मी पाळत आलो आहे. त्याचा मला फायदाही झाला आहे. गेल्या काही दिवसांपासून नेटकऱ्यांच्या अशा प्रकारच्या प्रतिक्रियेमुळे अनिल कपूर यांना ट्रोलिंगचा सामना करावा लागला होता.