Anupam Kher - Rajnath Singh Meet: बॉलिवूड अभिनेते अनुपम खेर यांनी गुरुवारी, 28 डिसेंबरला केंद्रीय संरक्षण मंत्री राजनाथ सिंह यांची भेट घेतली. अनुपम यांनी राजनाथ यांच्या नवी दिल्लीतील निवासस्थानी त्यांची भेट घेतली. अनुपम यांनी त्यांच्या इंस्टाग्राम हँडलवर राजनाथ सिंह यांच्या भेटीचे अनेक फोटो शेअर केली आहेत.

अनुपम खेर यांनी मानले राजनाथ सिंह यांचे आभार

अनुपम खेर यांनी सोशल मीडियावर फोटो शेअर केले आहेत, त्यापैकी एका फोटोमध्ये ते राजनाथ सिंह यांच्या शेजारी उभे राहून कॅमेऱ्यासाठी पोज देताना दिसत आहेत.

दुसर्‍या फोटोत, अनुपण राजनाथ सिंह यांच्याशी बोलताना दिसत आहे. हे फोटो शेअर करताना अनुपम खेर यांनी कॅप्शनमध्ये लिहिले की, "देशाचे संरक्षण मंत्री राजनाथ सिंहजी यांना त्यांच्या निवासस्थानी भेटणे माझ्यासाठी सन्मानाची गोष्ट आहे. आपल्या संरक्षण दलांव्यतिरिक्त विविध विषयांचे त्यांचे अफाट आणि सखोल ज्ञान वाखाणण्यासारखे आहे. तुमच्याकडून मला खुप काही शिकायला मिळाले. तुमच्या प्रेमळ आणि आदरातिथ्याबद्दल धन्यवाद सर. जय हिंद."

अनुपम खेर यांचे आगामी सिनेमे

अनुपम खेर यांच्या आगामी चित्रपटांबद्दल बोलायचे तर, ते नुकतेच 'द फ्रीलांसर - द कन्क्लुजन' मध्ये दिसले. याशिवाय लवकरच कंगना राणौत दिग्दर्शित 'इमर्जन्सी' या चित्रपटात ते जयप्रकाश नारायण यांची भूमिका साकारणार आहे,

हा चित्रपट यापुर्वी 24 नोव्हेंबर 2023 रोजी प्रदर्शित होणार होता, परंतु आता तो 2024 मध्ये चित्रपटगृहांमध्ये प्रदर्शित होणार आहे.

अनुपम खेर साकारणार रविंद्रनाथ टागोर

'इमर्जन्सी' व्यतिरिक्त, अनुपम खेर त्यांच्या 538 व्या चित्रपटात रवींद्रनाथ टागोरांची भूमिका देखील साकारणार आहेत. या वर्षाच्या सुरुवातीला चित्रपटाचा फर्स्ट लूक शेअर करताना अनुपमने लिहिले होते, "माझ्या ५३८व्या प्रोजेक्टमध्ये गुरुदेव रवींद्रनाथ टागोर यांची भूमिका साकारताना आनंद झाला. गुरुदेवांची भूमिका साकारण्याचे भाग्य मला लाभले. या चित्रपटाविषयी अधिक माहिती मी लवकरच तुमच्यासोबत शेअर करेन."