मुंबई ः आपल्या खलनायकी अंदाजात एका वेगळ्या शैलीत विविध कलाकृतीमध्ये आठवणीत राहतील अशा भूमिका केल्यानंतर आता अभिनेता पंकज त्रिपाठी हे , “मला गुन्हेगारी भूमिकांचे आकर्षण नाही ” असे सांगत आहेत. त्यांच्या या विधानामुळे बॉलीवूडमध्ये मोठे आश्चर्य व्यक्त केले जात आहे. त्यांच्या विधानामागे काही तथ्य असणार असे बोलले जात आहे.
मिर्झापूरमधील “कालीन भैया ” असो की सेक्रेड गेम्स मधील “गुरुजी ” आपल्या खलनायकी अंदाजाने अल्पावधीतच पंकज त्रिपाठी यांनी प्रेक्षकांची मने जिंकून घेतली आहेत. पंकज त्रिपाठी म्हणतात, की मला चित्रपटातील भूमिकांमध्ये अॅक्शन आवडत नाही. मला सामाजिक विषयांवरील फिल्म अधिक भावतात. मी जरी पडद्यावर अनेक खलनायकी भूमिका साकारल्या असल्या तरी कलाकार म्हणून मी ते केले. एक मनुष्य म्हणून मला सर्वाप्रमाणेच आवडीनिवडी आहेत. मला कल्पना आहे की माझ्या खलनायकी भूमिका असलेल्या फिल्मनी चांगला व्यवसाय केला होता.
विशेष करून गुन्हेगारी स्वरूपाचा कंटेंटला प्रेक्षकांकडून मागणीही असते. त्यांना त्या प्रकारच्या कलाकृतीही आवडतात . परंतु एक जबाबदार व्यक्ती म्हणून मी विधान करतो की हिंसात्मक फिल्म मला अजिबात आवडत नाहीत. जेव्हा एक कलाकार म्हणून माझ्याकडे फिल्म येतात , तेव्हा सर्व प्रथम मी कथानकाला महत्व देतो. त्यावर सर्व काही अवलंबून असते. सकारात्मक बाबींसाठी सकारात्मक कलाकृतींची निर्मिती होणे आवश्यक आहे, असे मत पंकज त्रिपाठी यांचे आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.