Ritesh Deshmukh And Genelia Dsouza Video: बॉलीवूडमधील लोकप्रिय जोडी म्हणून रितेश देशमुख आणि जेनेलियाकडे पाहिले जाते. हे दोन्ही सेलिब्रेटी वेगवेगळ्या कारणास्तव चर्चेत असतात. सोशल मीडियावर तर त्यांनी शेयर (Bollywood Celebrity) केलेल्या व्हिडिओला नेटकऱ्यांचा मोठा प्रतिसाद मिळत असल्याचे दिसून आले आहे. कोरोनाच्या काळात तर रितेश आणि जेनेलियानं भन्नाट व्हिडिओ शेयर करुन नेटकऱ्यांचे लक्ष वेधून घेतले होते. आता जेनेलियानं शेयर केलेल्या व्हिडिओनं तर नेटकऱ्यांना हसू आवरत नाहीये. त्यामुळे लटक्या रागात तर जेनेलियानं रितेशला चांगलेच सुनावले आहे. सध्या सोशल मीडियावर या दोन्ही सेलिब्रेटींनी चाहत्यांना आपल्या व्हिडिओवर प्रतिक्रिया देण्यास भाग पाडले आहे.

रितेशनं जेनेलियाचा तो व्हिडिओ शेयर केला आहे. त्यामध्ये जेनेलियाचा लूक पाहून तुम्हाला धक्काच बसेल. आपण काय पाहतो आहोत असा प्रश्न तुम्हाला पडल्याशिवाय राहणार नाही. जेनेलियाला मिशा आल्या आहेत. असे त्यात दिसत आहे. त्यामुळे चिडलेल्या जेनेलियानं रितेशला तर धमकीच दिली आहे. त्यात ती म्हणते आता तुझं काही खरं नाही. रितेशला तो व्हिडिओ शेयर करणे महागात पडणार की काय असं नेटकऱ्यांना वाटू लागले आहे. सोशल मीडीयावर हे दोन्ही सेलिब्रेटी वेगवेगळ्या प्रकारचे गंमतीशीर व्हिडिओ शेयर करताना दिसतात. त्या व्हिडिओला मिळणारा प्रतिसादही मोठा असतो.

रितेशनं शेयर केलेल्या त्या व्हिडिओमध्ये फिल्टरचा वापर केला आहे. जेनेलियाच्या चेहऱ्यावर मिशा आलेल्या दिसत आहे. यात गंमतीशीर गोष्ट अशी की, तिला तो व्हिडिओ फिल्टर लावून शुट करत असल्याचे माहिती नाही. त्यामुळे तिनं नेहमीप्रमाणे एकदम दिलखुलासपणे रितेशच्या त्या व्हिडिओमध्ये भाग घेतला आहे. जेव्हा तो व्हिडिओ समोर आला तेव्हा मात्र तिला धक्काच बसला. नेटकऱ्यांना तर हसू आवरत नव्हते. चिडलेल्या जेनेलियानं तर रितेशला तो व्हिडिओ पाहून थेट धमकीच दिली आहे.

रितेशनं तो व्हिडिओ शेयर करताना लिहिलं आहे की, माझा पती जेनेलिया...त्यावर जेनेलियानं त्याला उत्तर दिले आहे. त्यात ती म्हणते, आता तुझं काही खरं नाही रितेश. तुझ्या अडचणीत आणखी वाढ होणार आहे. त्यांच्या या व्हिडिओवर प्रतिक्रिया देताना फॅन्सनं लिहिलं आहे की, जेनेलिया ही सेम टू सेम रितेश सारखीच दिसते आहे. तुम्ही दोघेजण खूप गोड आहात. अशा प्रतिक्रिया त्यांना मिळाल्या आहेत. रितेश - जेनेलियाच्या आगामी प्रोजेक्टविषयी सांगायचे झाल्यास, ते 'मिस्टर मम्मी' मध्ये दिसणार आहे. त्यात रितेश हा प्रेग्नंट पतीच्या भूमिकेत दिसणार आहे.