गेल्या काही दिवसांपासुन सुष्मिता सेन चांगलीच चर्चेत आहे. सुष्मिता सेनची भुमिका असलेली ताली वेबसिरीज चांगली लोकप्रिय झाली. गौरी सावंत यांची भुमिका साकारुन सुष्मिताने जाणकार आणि लोकांचं मन जिंकलं.

सुष्मिता लवकरच आर्या वेबसिरीजच्या नवीन सीझनमधून भेटीला येणार आहे. अशातच सुष्मिताचा एक नवीन व्हिडीओ व्हायरल झालाय. यात ती तिच्या मुलीसोबत दुर्गा पुजेत सहभागी झाली. सुष्मिता सोबतच अभिनेत्री कियारा अडवाणी, जॅकलीन फर्नांडीस, राणी मुखर्जी अशा अभिनेत्री सुद्धा दुर्गापुजेत सहभागी होत्या.

(bollywood actress kajol kiara advani sushmita sen hema malini at North Bombay Sarbojanin Durga Puja)

सुष्मिता सेम मुलीसोबत थिरकली

सुष्मिता सेन शनिवारी रात्री दुर्गापूजेसाठी बाहेर पडली. यावेळी तिच्या मुली रेनी आणि अलिसा सुद्धा तिच्यासोबत होत्या. इतकेच नाही तर सुष्मिताने पंडालमध्ये धुनुची नृत्यही केले.

तिच्यासोबत मुलगी रेनीही सामील झाली. हा व्हिडिओ चांगलाच व्हायरल झाला. सुष्मिता सेन गुलाबी रंगाच्या साडीत खूपच सुंदर दिसत होती. सुष्मिता आणि तिच्या मुलींच्या डान्सला लोकांनी चांगलीच पसंती दिली.

कियारा अडवाणी - राणी मुखर्जी दुर्गापुजेला एकत्र

याशिवाय बॉलिवूड अभिनेत्री कियारा अडवाणी - राणी मुखर्जी नवरात्रीच्या दुर्गापुजेला एकत्र आल्या. कियारा आणि राणी मुखर्जीचा व्हिडीओ व्हायरल झालाय. कियारा पिवळ्या रंगाच्या ड्रेसमध्ये सुंदर दिसत होती. तर राणी मुखर्जी क्रिम कलरच्या साडीत देवीचं दर्शन घ्यायला आली होती.

हेमा मालिनी मुलीसोबत, काजोल सुद्धा दुर्गापुजेला

हेमा मालिनी रेशमी कांजीवरम साडीत शोभून दुर्गा पुजेला उपस्थित होत्या. त्यांच्यासोबत त्यांची मुलगी ईशा देओल हाफ-स्लीव्ह सिक्विन ब्लाउजसह क्रीम ड्रेस परिधान करुन आली होती.

याशिवाय गुलाबी रंगाच्या साडीत काजोल दुर्गापुजेला आली होती. तसंच बंटी और बबली फेम शर्वरी वाघ सुद्धा देवीच्या पाया पडायाला उपस्थित होती