मुंबई - बोल्ड वक्तव्य करून नेहमीच चर्चेत राहणारी हिंदी चित्रपट सृष्टीतील अभिनेत्री म्हणजे कंगना राणावत. कंगना नेहमीच सोशल मीडियावर काही ना काही पोस्ट करत असते. मग ते सरकार विरोधी वक्तव्य असो वा बॅालिवूडमधील कलाकरांवरील टीका, कंगना बिनधास्त तिची मतं सोशल मीडियावर शेअर करते. ट्विटरच्या माध्यमातून कंगना आपली मत लोकांपर्यंत पोहचवते. अनेक वेळा तिच्या ट्विटमुळे तिला ट्रोल केले जाते. नुकताच कंगनाने तिचा चित्रपट थलाइवीमधील लूक ट्विटरवर शेअर केला आहे.

कंगनाचा थलाइवी हा चित्रपट लवकरच प्रेक्षकांच्या भेटीस येणार आहे. चित्रपटाचा ट्रेलर 23 मार्चला प्रदर्शित होणार आहे. हा चित्रपट दिवंगत मुख्यमंत्री जयललिता यांच्या जिवनावर आधारित आहे. कंगनाने या चित्रपटातील तिच्या 3 वेगवेगळ्या लुकचा फोटो सोशल मिडीयावर शेअर केला. या चित्रपटामधून  कंगना जयललिता यांचा अभिनेत्री ते राजकारणी हा प्रवास प्रेक्षकांना  तिच्या अभिनयामधून दाखवणार आहे.

मनोरंजन क्षेत्रातील इतर बातम्या वाचण्यासाठी क्लिक करा

कंगनाच्या या लुकमुळे प्रेक्षकांमध्ये या चित्रपटाबद्दल उत्सुकता निर्माण झाली आहे. या चित्रपटातील लूकचा फोटो शेअर करून कंगनाने कॅप्शन दिले,'थलाइवीचा ट्रेलर रिलीज उद्या होणार आहे. या चित्रपटासाठी मी 20 वजन वाढवले. त्यानंतर काही महिन्यांनी तेवढेच वजन कमी करावे लागले. हे चॅलेंज मला या महान बायोपिकसाठी घ्यावे लागले.'

हे वाचा - "डान्सदरम्यान दिग्दर्शकाने अंतर्वस्त्रापर्यंत कपडे काढण्यास सांगितले"; प्रियांकाचा मोठा खुलासा

थलाइवी चित्रपटाचे दिग्दर्शन ए. एल. विजय यांनी केले आहे. कंगनासोबत या चित्रपटात भाग्यश्री,अरविंद स्वामी,समीरा रेड्डी, प्रकाश राज, अषतोश राणा हे कलाकार महत्वाच्या भूमिकेत दिसणार आहेत. थलाइवीसोबतच कंगनाचे अनेक चित्रपट या वर्षी प्रदर्शित होणार आहेत. 'धाकड'. हा चित्रपट 1 ऑक्टोबर रोजी प्रेक्षकांच्या भेटीला येणार आहे. या चित्रपटात कंगनाने गुप्तहेराची भूमिका साकारली आहे.