आपल्या बोल्डनेसमुळे (Boldness) नेहमीच सोशल मीडियावर (Social Media) चर्चेत असणारी अभिनेत्री म्हणजे मौनी रॉय (Mauni Roy). ती तिच्या हटकेपणामुळे नेटकऱ्यांमध्ये चर्चेचा विषय असते. मौनी या महिन्यात विवाहबद्ध होणार आहे. त्यामुळे चाहत्यांनी तिला वेगवेगळ्या प्रकारच्या प्रतिक्रियाही दिल्या आहेत. बॉयफ्रेंड सुरज नामबियार (Suraj Nambiyar) सोबत ती लग्न करणार आहे. सुत्रांनी दिलेल्या माहितीनुसार, 27 जानेवारी 2022 रोजी ती लग्न करणार आहे. कोरोनामुळे तिच्या जवळचे मित्र आणि नातेवाईक या सोहळ्यामध्ये सहभागी होणार आहेत.

सुत्रांनी दिलेल्या माहितीनुसार, मौनी ही गोव्यातील (Goa) कँडोलियममध्ये सुरज नामबियार सोबत विवाहबद्ध होणार आहे. 26 जानेवारीला तिचा संगीत सेरेमनी आणि हल्दी सेरेमनी होणार आहे. अनेकांना सुरज नामबियारविषयी फारशी काही माहिती नाही. आपण तो कोण आहे याबद्दल जाणून घेणार आहोत. सुरज नामबियरचा जन्म हा कर्नाटकातील बंगळुरुमध्ये झाला. त्यानं त्याचं प्राथमिक शिक्षण हे इंटरनॅशनल रेसिडिंशियल स्कूलमधून केले होते. 2008 मध्ये त्यानं बंगळुरुतील एका कॉलेजमधून इंजिनिअरींग पूर्ण केलं आहे.

सुरजचा एक भाऊ पुण्यात असून त्याचं नाव नीरज आहे. तो एका इव्हेंट मॅनेजमेंट कंपनीचा सह संस्थापक आहे. दुसरीकडे सुरज दुबईमध्ये व्यावसायिक आणि बँकर म्हणून कार्यरत आहे. सुरजला सोशल मीडियावर अॅक्टिव्ह राहायला आवडते. त्याला पर्यटनाची आवड आहे. वाचन हा त्याचा आवडता छंद आहे. सुरज आणि मौनीची ओळख ही दुबईतच झाली होती. काही दिवसांनंतर त्यांनी डेटिंग सुरु केलं.