मुंबई- अभिनेत्री कंगना रनौत गेल्या काही दिवसांपासून कोणत्या ना कोणत्या कारणासाठी चर्चेत आहे. मुंबईला पीओके म्हणाल्यानंतर कंगनाने बॉलीवूडवर देखील हल्लाबोल केला ज्यामुळे ती चर्चेत आली. नुकंतच बॉलीवूडची प्रसिद्ध गायिका सोना मोहापात्राने ट्विट केलं आहे ज्यामध्ये ती कंगना रनौतविषयी अनेक गोष्टींवर बोलली आहे.

हे ही वाचा: अनिल कपूर यांच्या घरी आला चिमुकला पाहुणा, 'क्युटेस्ट कपूर' म्हणत करुन दिली ओळख

सोना मोहापात्राने तिच्या ट्विटमध्ये म्हटलंय, 'कंगना स्वतःशिवाय कधीच दुस-या लोकांसाठी उभी राहिली नाहिये आणि ना कधी तीने त्या लोकांना कधी लक्षात ठेवलंय ज्यांनी तिचं कौतुक केलंय. ही कोणी बदल घडवून आणणारी किंवा कोणत्याही वैचारिक नेतेपदासाठी पात्र नाहीये. होय. इंडस्ट्रीमधील काही वाईट गोष्टींविरुद्ध आवाज उठवण्यासाठी ती खूप बहादूर आहे. बस एवढंच.' तिने ट्विटमध्ये पुढे म्हटलंय, 'आणि जेव्हा अनुष्का शर्मा किंवा इतर कोणाविषयी पोस्ट केली होती. मी एवढंच म्हणेन कंगना रनौत कृपया काही स्त्रीवादी मित्र बनव आणि योग्य सल्लागार ठेव.' 

सोना मोहापात्राने कंगनावर टिका करत म्हटलं की 'महिला विक्टिम कार्ड खेळणं बंद कर.' कंगना रनौतने सोना मोहापात्राला ट्विटरवर ब्लॉक केलं आहे. याबाबतची माहिती देखील सोनाने ट्विट करत दिली. ती म्हणाली, 'मी तिला कधीच फॉलो केलं नाही मात्र मला आज याविषयी कळालं. कंगनाला प्रत्येकावर टिका करायची आहे. मात्र हे तिला कळत नाही का की जग पारस्परिकतेवर चालतं. तिने हे कळून घेतलं पाहिजे की या सगळ्या गोष्टींना कसं हाताळंलं गेलं पाहिजे.'  

bollywood singer sona mohapatra slams kangana ranaut says she has not ever stood up for anyone