Mukesh Khanna On Aamir Khan Laal Singh Chaddha Boycott : मनोरंजन विश्व सध्या वेगवेगळ्या घडामोडींनी चर्चेत आले आहे. एकीकडे आमिरच्या लाल सिंग चढ्ढावरुन वाद रंगला असताना दुसरीकडे त्याच्या बाजुनं बॉलीवूडमधील (Bollywood Movies) सेलिब्रेटी प्रतिक्रिया देताना दिसत आहे. गेल्या काही दिवसांपासून आमिर खानच्या लाल सिंग चढ्ढानं वेगळं वातावरण तयार केलं (Entertainment News) असून नेटकऱ्यांनी त्याच्याविरोधात आक्रमक पवित्रा घेतला आहे. काहीही झालं तरी हा चित्रपट पाहायचा नाही, त्य़ाच्यावर बहिष्कार घालायचा अशी भूमिका घेतली आहे. यासगळ्यात शक्तिमान फेम मुकेश खन्ना (Mukesh Khanna) यांची प्रतिक्रिया समोर आली आहे. सोशल मीडियावर नेहमीच वेगवेगळ्या प्रतिक्रियांसाठी चर्चेत असणाऱ्या मुकेश खन्ना यांनी आमिरच्या लाल सिंगवर व्यक्त केलेली भूमिका नेटकऱ्यांच्या चर्चेचा विषय आहे.

मुकेश खन्ना यांचा आगामी प्रोजेक्ट हा शक्तीमानवरच आहे. त्याचे बजेट हे तीनशे (laal Singh chaddha trolled) कोटी रुपयांचे आहे. सोनी टेलिव्हिजनच्या शक्तिमान या चित्रपटात दिसणार असल्याचे सांगण्यात आले आहे. यासगळ्याचे प्रमोशन सुरु असताना मुकेश खन्ना यांची लाल सिंग चढ्ढावरील प्रतिक्रिया चर्चेत आली आहे. आमिरचा लाल सिंग चढ्ढा हा नेटकऱ्यांकडून ट्रोल केला जात आहे. त्याचा मोठा फटका आमिर खानला बसला आहे. त्यामुळे बॉलीवूडमधील अनेक सेलिब्रेटींनी आमिरच्या वतीनं प्रतिक्रिया दिली आहे. त्यात अर्जुन कपूर, सुनील शेट्टी, करिना कपूर, आलिया भट्ट, राम गोपाल वर्मा यांच्या नावाचा समावेश आहे.

बॉक्स ऑफिसवर लाल सिंग चढ्ढा मोठ्या प्रमाणात हिट होईल असे सांगितले जात होते. मात्र तसे न होता आमिरला फ्लॉप चित्रपट म्हणून लाल सिंग चढ्ढाचे अपयश स्विकारावे लागत असल्याचे सांगितले जात आहे. शक्तिमान फेम मुकेश खन्ना यांची प्रतिक्रिया चर्चेत आहे. ते म्हणाले, आपण आमिरच्या गेल्या काही फिल्म पाहिल्या तर त्या अयशस्वी झाल्याचे दिसून येईल. आता त्या चित्रपटातील कंटेट खराब आहे की, त्याच्या गेल्या काही विधानांमुळे त्याला ट्रोलिंगचा सामना करावा लागत आहे हे पाहणे महत्वाचे ठरेल. मला वाटतं सध्याचे आमिरचे जे प्रकरण आहे ते जास्त गंभीर आहे. त्याला वेगवेगळे संदर्भही आहेत.

लोकांनी एवढं आक्रमक होणं हे काही एका दिवसाचे काम नाही. त्यात काहीच तथ्य़ नाही असेही नाही. यापूर्वी असं कधी झालं नाही. यापूर्वी पद्मावत, लक्ष्मी, तांडव सारख्या कलाकृतींवरुन वाद झाला होता. मात्र आमिरची ही पहिलीच अशी केस आहे की, त्यात त्याला त्याच्या कलाकृतीवरुन नव्हे तर त्याच्या यापूर्वीच्या विधानांवरुन प्रतिक्रिया मिळाली आहे.

बॉयकॉट बॉलीवूडचा मोठा फटका भारतीय मनोरंजन विश्वाला बसतो आहे. त्यामुळे आपण त्याचा गांभीर्यानं विचार करावा लागणार आहे. यासगळ्यात निर्माते आणि दिग्दर्शकांनी या मुद्दयावर विचार करावा. आपल्याला अशाप्रकारे का ट्रोल केले जात आहे त्याचा अभ्यास करावा. आता असं वाटतं की, हिंदू लोकं अचानक जागे झाले आहेत. त्यामुळे त्यांनी अशाप्रकारे ट्रोल करायला सुरुवात केली आहे.