अभिनेता शरद केळकर यांच्या घरी 35 वर्षांपासून गणेशोत्सव साजरा केला जातो. दरवर्षी नियमांचे पालन होतेच. यंदाही त्याचा उत्सव साधेपणानेच साजरा होणार आहे...
आमच्या घरी गेली 35 वर्षे पाच दिवसांचा गणेशोत्सव साजरा केला जातो. यंदा कोरोना संकटकाळामुळे आपल्याला सरकारी नियमांचे पालन करीत गणेशोत्सव साजरा करायचा आहे. आमच्याकडच्या उत्सवाला दरवर्षीच जवळची काही मोजकीच मंडळी येतात. आम्ही सगळ्यांना आमंत्रण देत नाही, पण ज्यांना माहीत आहे की माझ्या घरी गणेशोत्सव साजरा केला जातो ती मंडळी आवर्जून दर्शनाला येतात. आमच्या घरची बाप्पाची मूर्ती पूर्णपणे शाडूची असते. मूर्तीप्रमाणे आरासही आम्ही इकोफ्रेंडलीच करतो. दिवसातून दोन वेळा बाप्पाची आरती असते. बाप्पाची पूजा मी स्वतः करतो. त्यामुळे गुरुजींना बोलावण्याचा प्रश्नच येत नाही. दरवर्षी आम्ही मूर्तीचे विसर्जन करताना कसलाही गाजावाजा करत नाही. मोजकेच चार जण असतो.
मालाडला आमच्या घराजवळ पालिकेने कृत्रिम तलाव केला आहे. तिथे गाडीने जातो आणि मूर्तीचे विसर्जन करतो. यंदाही आम्ही तसेच करणार आहोत. अर्थात गर्दी नसेलच. अनेक वर्षे आम्ही एका गणपती कार्यशाळेतून मूर्ती आणायचो, परंतु या वर्षी घरीच मूर्ती बनवण्याचा माझा मानस आहे. नाही तर माझा एक मित्र घरी मूर्ती बनवतो. त्याच्याकडून आम्ही मूर्ती आणू.
नियम महत्त्वाचे
मी दरवर्षी साधेपणाने, जवळचे मोजके नातेवाईक आणि मित्रमंडळी यांच्यासोबतच गणेशोत्सव साजरा करतो. यंदा कोरोनाच्या प्रादुर्भावामुळे सरकारने घातलेल्या नियमांचे पालन करणे आवश्यक आहे. यंदा असलेले नियम मी गेली काही वर्षे पाळत आलोच आहे. मी दरवर्षी जसा गणेशोत्सव साजरा करतो, तसाच यंदाही करणार आहे.
---------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.