हिंदी चित्रपटसृष्टीतील अभिनेत्री दीपिका पदुकोण आणि अभिनेता रणवीर सिंग हे बॉलिवूडमध्ये सर्वात हटके कपल म्हणून ओळखले जातात. दीपिकाचा क्युटनेस आणि रणवीरचा हटके अंदाज नेहमीच प्रेक्षकांच्या पसंतीस पडतो. रणवीरच्या ड्रेसिंग सेन्सवर नेटकरी नेहमीच कमेंट करत असतात. त्याच्या रंगीबेरंगी आणि अतरंगी ड्रेसमुळे त्याला अनेकदा ट्रोल केले जाते. पण आता रणवीची पत्नी दीपीकासुद्धा या हटके ड्रेसिंग सेन्सची कॉपी करताना  दिसत आहे. दीपिकाने नुकताच एक व्हिडीओ सोशल मीडियावर शेअर केला. या व्हिडीओमध्ये रणवीर आणि दीपिका अतरंगी डान्स करताना दिसत आहेत. 

दीपिकाने या व्हिडीओला Werk it baby असं कॅप्शन दिले असून #bussitchallenge चा हॅशटॅग तिने या व्हिडीओला दिला. या व्हिडीओमध्ये  दीपीका फ्लोरल प्रिंन्टच्या कलरफूल नाईट सूटमध्ये दिसत आहेत. त्याच प्रिंटची टोपी तिने घातली आहे. तर रणवीरने लाल रंगाची टेडी बिअरचं चित्र असलेली पॅट, जॅकेट आणि हॅट घातली आहे. दोघांच्या या भन्नाट डान्सच्या व्हिडीओला अनेक सेलिब्रेटींनी कमेंट केली आहे. या व्हिडीओला काही वेळातच 11 लाखांहून अधिक लाईक्स मिळाले आहेत. 

हेही वाचा : अरेरे! प्रमोशनची इतकी घाई की जान्हवीला कारमध्येच बदलावे लागले कपडे 

2018 मध्ये दीपिका आणि रणवीरने लग्नगाठ बांधली. लवकरच दोघांचा '83' हा  चित्रपट प्रेक्षकांच्या भेटीस येणार आहे. 1983 मध्ये भारताने जिंकलेल्या क्रिकेट विश्वचषकाची गोष्ट या चित्रपटात पाहायला मिळणार आहे. या चित्रपटात रणवीर  विश्वचषकाचे कर्णधार कपिल देव यांची भूमिका करणार आहे. तर दीपिका कपिल देव यांच्या पत्नीची भूमिका साकारणार आहे.