Deepika Padukon News: दीपिका पादुकोण ही भारतीय मनोरंजन विश्वातील लोकप्रिय अभिनेत्री. दीपिकाने आजवर हिंदीच नव्हे तर हॉलिवुडच्या सिनेमांमध्ये काम करुन सर्वांना दखल घ्यायला भाग पाडलं.

या वर्षाच्या म्हणजेच २०२३ च्या सुरुवातीलाच दीपिकाने पठाण सिनेमातुन भन्नाट अभिनय केला. तर अलीकडेच रिलीज झालेल्या जवान सिनेमात सुद्धा दीपिका शाहरुख खान सोबत झळकली.

दीपिकाबद्दल एक खास गोष्ट सध्या सोशल मीडियावर चर्चेत आहे. जेव्हा दीपिकाने एका व्यक्तीला दिलेला शब्द पाळुन तिला स्वतःच्या लग्नात विशेष आमंत्रण दिलं होतं. कोण होती ती व्यक्ती आम्ही तुम्हाला सांगतो.

दीपिका पादुकोणचा ये जवानी है दिवानी सिनेमा सर्वांना आठवत असेलच. दीपिकाने या सिनेमात नैनाची भुमिका साकारली होती.

किस्सा असा की, ये जवानी है दिवानी सिनेमात दीपिकाच्या हातावर मेहंदी रंगली होती. मेहंदी आर्टिस्ट, वीणा नगाडा यांनी दीपिकाच्या हातावर ही मेहंदी रंगवलेली. दीपिकाला ही मेहंदी इतकी आवडली की तिने त्यांना, मी तुम्हाला माझ्या लग्नाला नक्की बोलवेल असा शब्द दिला.

२०१८ वर्ष. दीपिकाने रणवीर सिंग सोबत थाटामाटात लग्न केलं. आणि या लग्नाच्या वेळी दीपिकाने वीणा यांना दिलेला शब्द पाळला. दीपिकाच्या लग्नात तिच्या हातावर मेहंदी काढण्यासाठी वीणा यांना आमंत्रण देण्यात आले.

वीणा यांना आनंद झाला. कारण ये जवानी है दिवानीच्या सेटवर दीपिकाने वीणा यांना दिलेला शब्द पाळला. वीणा यांनी दीपिकाच्या लग्नातही तिच्या हातावर सुंदर मेहंदी काढली.

या खास घटनेबद्दलल वीणा यांनी सोशल मीडियावर भावना व्यक्त करुन लिहीलंय की, "ये जवानी है दिवानीच्या शूटिंग दरम्यान तिने मला एक वचन दिले होते की मी तिच्या लग्नात मेहंदी लावेन आणि ती तिच्या शब्दांवर ठाम राहिली म्हणजे माझ्यासाठी जग आहे. मी माझ्या आयुष्यात भेटलेल्या सर्वात छान व्यक्तींपैकी एक!" अशी पोस्ट लिहून त्यांनी दीपिकासोबतचे फोटो शेअर केलेत