मुंबई-  लॉकडाऊनमध्ये सेलिब्रिटीही आपापल्या घरी कुटुंबासोबत वेळ घालवत आहेत. कधी कधी चाहत्यांसोबत वेळ घालवण्यासाठी ते सोशल मिडीयावर देखील ऍक्टीव्ह होत असतात. इतकंच नाही तर या लॉकडाऊनमध्ये अनेक सेलिब्रिटींच्या जुन्या आठवणी ताज्या होत आहेत. सोशल मिडियावर त्यांच्या चाहत्यांद्वारे व्हायरल होणारे फोटो आणि व्हिडिओ त्यांना जुन्या दिवसांची आठवण करुन देत आहेत. नुकताच दीपिकाने सोशल मिडियावर त्यांच्या फॅमिली चाटचा एक स्क्रीनशॉट पोस्ट केला आहे. हा स्क्रीनशॉट पाहून त्यांच्या चाहत्यांना खूप आनंद झाला आहे. त्याचं कारणंही तसंच आहे. 

हे ही वाचा: अभिनेता सोनू सूदचा लोकल ट्रेन पास व्हायरल, वाचा जुनी आठवण पाहून सोनू काय म्हणाला?

अभिनेत्री दीपिका पदूकोणने तिच्या इंस्टाग्राम अकाऊंटवरुन शुक्रवारी तिच्या फोनवरुन फॅमिलीसोबत चर्चा केली. त्यावेळी तिने या फॅमिली चॅटचा एक स्क्रीनशॉट शेअर केला आहे. या स्क्रीनशॉटवरुन हे समोर आलं आहे की दीपिकाने पती रणवीर सिंगचं नाव काय नावाने सेव्ह केलं आहे. इतकंच नाही तर तिचे आई-वडिल आणि सास-यांचंं नाव काय सेव्ह केलं याविषयीची माहितीही समोर आली आहे.

दीपिकाने तिच्या आईचं नाव अम्मा, वडिलांचं पप्पा, सासरे म्हणजेच रणवीरच्या वडिलांचं नाव जगजीत सिंह भवनानी आणि पती रणवीर सिंहचं नाव हँडसम नावावे सेव्ह केलंय. 

दीपिकाने ही पोस्ट शेअर करताना लिहिलंय, 'आणि अशा प्रकारे आम्ही एकमेकांशी जोडले जातो. जेव्हा कधी कुटुंबातील कोणा व्यक्तीसाठी महत्वाचा दिवस असतो तेव्हा आम्ह अशा त-हेने एकमेकांसोबत जोडले जातो. प्रत्येकाने माझा पती रणवीरने घेतलेल्या मुलाखतीचं अशा प्रकारे कौतुक केलं आहे. जर काही व्यवस्थित नसेल तरीही आम्ही एकमेकांना तसा सल्ला देतो. आम्ही सांगतो की कुठे काय चुकलं आणि ते कसं करायला हवं होतं. आणि हे आमच्यासाठी खूप महत्वाचं देखील असतं.'

दीपिकाने शेअर केलेला हा स्क्रीनशॉट चाहत्यांना पसंत पडतोय. इतकंच नाही तर रणवीर-दीपिकाच्या चाहत्यांना तर दीपिकाने रणवीरचं सेव्ह केलेलं नाव चांगलंच आवडतंय. अनेकजण या जोडीचे खूप मोठे चाहते आहेत.   

deepika padukone shared a screenshot of their family whatsapp chat revealed ranveer name