Dharmendra viral video:1960 मध्ये आपल्या फिल्मी करिअरला सुरवात केलेल्या धर्मेंद्र यांनी तब्बल तीन दशकं बॉलीवूडवर राज्य केलं. धर्मेंद्र वयाच्या 87 व्या वर्षी देखील फिट आहेत आणि सक्रिय देखील आहेत.

धर्मेंद्र यांनी आधुनिक जगासोबत मैत्री केल्याचं दिसून येतं जेव्हा ते सोशल मीडियावर पोस्ट करताना दिसतात. धर्मेंद्र आपल्या वैयक्तिक आयुष्यातील अनेक गोष्टी या पोस्ट्सच्या माध्यमातून शेअर करताना दिसतात. ते या माध्यमातून आपल्या चाहत्यांशी कनेक्ट राहतात. नुकताच त्यांचा एक व्हिडीओ सोशल मीडियावर व्हायरल झाला आहे जो पाहून जो तो हैराण होताना दिसत आहे.(Dharmendra's swimming video stuns netizen Viral Video)

धर्मेंद्र यांनी आपल्या अधिकृत ट्वीटर हॅंडलवर आपला हा व्हिडीओ शेअर केला आहे. या व्हिडीओला पाहिल्यानंतर वाटत आहे की धर्मेंद्र पुन्हा एकदा अॅक्शन हिरो म्हणून कमबॅक करतायत की काय. व्हिडीओत पाण्यामध्ये ते एरोबिक्स करताना दिसत आहेत. धर्मेंद्र यांनी आंतरराष्ट्रीय योग दिवसा निमित्तानं हा व्हिडीओ शेअर केला आहे.

व्हिडीओ शेअर करत धर्मेंद्र यांनी लिहिलं आहे-''मित्रांनो..आज आंतरराष्ट्रीय योग दिवसा निमित्तानं माझ्यात एनर्जी आली आहे..मी आज संध्याकाळपासून वॉटर एरोबिक्स सुरू केलं आहे. पाण्यामध्ये एरोबिक्स करण्यात एक वेगळाच आनंद आहे. आशा करतो की तुम्हाला हा व्हिडीओ नक्की आवडेल''

.सोशल मीडियावर नेटकरी धर्मेंद्र यांचा हा व्हिडीओ पाहून त्यांच्या हिमतीला दाद देताना दिसत आहेत. त्यांच्यावर कौतूकाचा वर्षावही करत आहेत. स्विमिंग पूल मधील धर्मेंद्र यांचा एरोबिक्स अवतार सगळ्यांनाचा भूलवताना दिसत आहे.