मराठी अभिनेत्री आणि बिग बॉस मराठी सीझन ३ ची स्पर्धक सोनाली पाटीलने तिच्या कोल्हापुरी लहेजाने सर्वांचे लक्ष वेधून घेतले आहे. पण खुप कमी लोकांना माहित आहे की, ही अभिनेत्री एक प्रशिक्षित पिस्तूल नेमबाज आहे.मनोरंजन क्षेत्रात प्रवेश करण्यापूर्वी सोनालीने अमृतसर येथील अखिल भारतीय १० मीटर एअर पिस्तूल स्पर्धेत भाग घेतला असून ती ही स्पर्धा जिंकली आणि तिने पदकदेखील मिळवले.

बिग बॉस मराठीच्या एका एपिसोडमध्ये ती विशाल निकम आणि विकास पाटील यांच्याशी बोलत असताना, सोनालीने पिस्तूल नेमबाजी स्पर्धेबद्दल बोलताना दिसली. सोनालीने सांगितले की, जेव्हा तिने पदक जिंकले तेव्हा तिच्या वडिलांना खूप अभिमान वाटला होता. पण तिचा पहिला टीव्ही शो 'वैजू नं १' सुरू होण्यापूर्वीच तिच्या वडिलांचे निधन झाले. आणि तिला याच गोष्टीचं वाईट वाटतं की तिचे वडील तिचे काम पाहू शकले नाहीत. सोनाली म्हणाली, "आज मला आणि माझं काम पाहण्यासाठी बाबा येथे असायला हवे होते, ते एकदम तंदुरुस्त होते,त्यांना कोणताही आजार नसताना, ते अचानक आम्हाला सोडून गेले."

सोनालीला 'वैजू क्रमांक १' आणि' घाडगे आणि सुन' या टीव्ही शोद्वारे प्रसिद्धी मिळवली. तिने 'साता जन्माच्‍या गाठी' या मालिकेत काम केलं होतं. नुकतचं ती झी मराठीच्या 'देवमाणूस' या मालिकेत दिसली होती. तसेच ती सोशल मीडियावर देखील चांगलीच सक्रिय असते.सध्या ती बिग बॉस शोमधून प्रेक्षकांच मनोरंजन करत आहे आणि त्याचं मन जिंकत आहे. तिला तिच्या चाहत्यांकडून दाददेखील मिळत आहे.