कोरोना व्हायरसचा संसर्ग दिवसेंदिवस वाढत चालला आहे. देशभरात आतापर्यंत 127 केसेस समोर आल्या आहेत. त्यातच महाराष्ट्रात आज कोरोनाचा पहिला बळी गेला. याचाच विचार करून अभिनेता दिलीप कुमार यांना आयसोलेशन मध्ये ठेवण्यात आलंय. याची माहिती खुद्द दिलीप कुमार यांच्या ट्विटरवरून देण्यात आलीये.

आता बातम्या ऐकण्यासाठी डाऊनलोड करा ई-सकाळचे ऍप 

कोरोना व्हायरसचा प्रादुर्भाव लक्षात घेता त्यांना कोणताही संसर्ग होऊ नये याची काळजी म्हणून त्यांना कॉरंटाईन करण्यात आलंय. पत्नी सायरा बानो त्यांना यादरम्यान कोणतंही इन्फेक्शन होऊ नये याची पूर्णपणे काळजी घेत असल्याचं त्यांनी ट्वीटमध्ये म्हंटलंय.

प्रसिद्ध अभिनेता दिलीप कुमार यांना कोरोना व्हायरसच्या संसर्गापासून बचावासाठी कॉरेंटाईन केले असून दिलीपकुमार यांची प्रकृती ठणठणीत आहे...त्यांना संसर्ग होऊ नये म्हणून ते आपली काळजी घेत पूर्णपणे अलिप्त आहेत.

Coronavirus : राज्यात कोरोनाचा पहिला बळी मुंबईत!

काही दिवसांपूर्वी दिलीप कुमार यांची प्रकृती ठीक नसल्याने त्यांना लीलावती रुग्णालयात दाखल करण्यात आले होते. पाठदुखीच्या कारणामुळे त्यांना अस्वस्थ वाटत होतं मात्र त्यांच्यावर उपचार होऊन ते ठणठणीत होऊन घरी देखील आले होते..