Dream Girl 2 box office collection day 1: गेल्या दोन आठवड्यांपासून बॉक्स ऑफिसवर दोन बॉलिवूड सिनेमांनी तुफान कमाई केली. 'गदर 2' आणि 'OMG 2'. या दोन्ही सिनेमांनी अनेक रेकॉर्ड तयार केले. आता त्यातच आणखी एका चित्रपटाने बॉक्स ऑफिसवर एंट्री केली. राज शांडिल्य दिग्दर्शित 'ड्रीम गर्ल 2' हा चित्रपट या शुक्रवारी चित्रपटगृहांमध्ये प्रदर्शित झाला.

4 वर्षापुर्वी 'ड्रीम गर्ल' चा पहिला भाग रिलिज झाला होता. त्याचा सिक्वेल म्हणजेच 'ड्रीम गर्ल 2' . पहिला भाग हिट असल्यामुळे या चित्रपटाच्या दुसऱ्या भागाकडून प्रेक्षकांना खुपच अपेक्षा होत्या. त्यामुळे आता 'ड्रीम गर्ल 2' ला देखील प्रेक्षकांचा चांगला प्रतिसाद मिळेल असं काहीस चित्र सध्या दिसत आहे. आता 'ड्रीम गर्ल 2' च्या पहिल्या दिवसाच्या कमाईचे आकडे समोर आले आहेत.

SacNilk च्या सुरुवातीच्या ट्रेंड रिपोर्टनुसार, 'ड्रीम गर्ल 2' ने रिलीजच्या पहिल्या दिवशी शुक्रवारी बॉक्स ऑफिसवर 9.7 कोटी रुपयांची कमाई केली आहे. 'गदर 2' आणि 'OMG 2' या चित्रपटाच्या कलेक्शन समोर हे आकडे समाधान कारक आहेत.

त्याचबरोबर वीकेंडला 'ड्रीम गर्ल 2' ची कमाई वाढेल आणि तो एक उत्तम कलेक्शन करेल अशी अपेक्षा आहे. आता 'ड्रीम गर्ल 2' किती कोटींपर्यंतचा गल्ला जमवू शकतो हे पहाणे उत्सूकतेचे ठरेल.

चित्रपटाच्या कालाकारांबद्दल बोलायचं झालं तर सिनेमात आयुष्मान खुराना आणि अनन्या पांडे यांच्याशिवाय परेश रावल, अनु कपूर, राजपाल यादव, असरानी, ​​सीमा पाहवा, विजय राज, मनजोत सिंग, अभिषेक बॅनर्जी, रंजन राज, मनोज जोशी यांच्या महत्त्वपूर्ण भूमिका या चित्रपटात आहेत. यात आयुष्मान पुजाच्या भुमिकेत प्रेक्षकांचे मनोरंजन करत आहे.

आयुष्मानचा हा चित्रपट 2019 च्या हिट चित्रपट 'ड्रीम गर्ल'चा सिक्वेल आहे. ड्रीम गर्ल 28 कोटींच्या बजेटमध्ये तयार करण्यात आला होता त्याने 200 कोटींची कमाई केली होती. त्याचबरोबर 'ड्रीम गर्ल 2'ची ओपनिंगही चांगली झाली आहे.