मुंबई - प्रसिद्ध दिग्दर्शिका आणि निर्माती एकता कपूरच्या अनेक मालिकांनी गेली कित्येक वर्ष प्रेक्षकांच्या मनावर अधिराज्य गाजवले. तिच्या क्योंकी सास भी कभी बहू थी, कहानी घर घर की, कसौटी जिंदगी की, बडे अच्छे लगते है या मालिकेंना प्रेक्षकांची विशेष पसंती मिळाली. एकताने तिच्या करिअरची सुरूवात 1995 साली पडोसन या मालिकेतून केली. त्यानंतर तिने कॅप्टन हाऊस, मानो या ना मानो या मालिकांची निर्मीती केली.तिच्या या सर्व मालिकांना फारसे यश मिळाले नाही त्यामुळे अनेक निर्मात्यांनी तिच्या मालिकांवर पैसे गुंतवण्यास नकार दिला. त्यानंतर तिचे वडिल म्हणजेच प्रसिद्ध अभिनेते जितेंद्र कपूर यांनी तिला मालिकांचे दिग्दर्शन करणे सोडण्याचा सल्ला दिला. पण तरी देखील एकताने हार मानली नाही. तिने 1995मध्ये विनोदी मालिका करण्याचा निर्णय घेतला. त्यानंतर मात्र एकताच्या करिअरला नवी ओळख मिळाली.(ekta kapoor become star due to ashok saraf hum paanch)

एकताने 1995 साली 'हम पांच' नावाची मालिका करण्याचा निर्णय घेतला. या मालिकेमध्ये मराठी चित्रपटसृष्टीमधील प्रसिद्ध अभिनेते अशोक सराफ यांनी प्रमुख भूमिका साकारली. अशोक सराफ यांच्या विनोदी शैलीमुळे ही मालिका सुपरहिट ठरली. एका मुलाखतीमध्ये एकताने सांगितले की, अनेक वेळा या मालिकेमधील संवाद हे साधे असायचे पण आपल्या अनुभवाच्या जोरावर अशोक सराफ त्याचे रूपांतर विनोदात करत होते. हम पांच या मालिकेला प्रेक्षकांची पसंती मिळाल्याने दिग्दर्शक म्हणून अनेक एकतावर अनेक निर्माते पैसे गुंतवण्यासाठी तयार झाले.

एकताच्या बालाजी टेलिफिल्म हे प्रोडक्शन हाऊसने आजवर अनेक नवोदित कलाकरांना छोट्या पडद्यावर काम करण्याची संधी दिली आहे. एकता आज यशाच्या शिखरावर फक्त हम पाच या मालिकेमुळे आहे आणि ही मालिका हिट ठरण्याचे कारण अभिनेते अशोक सराफ हे आहेत.