Vaibhavi Upadhyay Fiance Emotional Post: टीव्ही मनोरंजन विश्वातील लोकप्रिय अभिनेत्री वैभवी उपाध्याय हिचं काही दिवसांपूर्वी निधन झालं.

साराभाई वर्सेस साराभाई मध्ये जॅस्मिनची भूमिका करणाऱ्या वैभवी उपाध्यायच्या जाण्यानं चाहत्यांना शोक अनावर झाला आहे. हिमाचल प्रदेशमध्ये एका कार अपघातात वैभवीचा मृत्यू झाला आहे.

अवघ्या ३२ व्या वर्षी वैभवीनं जगाचा निरोप घेतल्यानं तिच्या चाहत्यांमध्ये मोठा शोक पसरला. वैभवीच्या जाण्याने तिचा होणार नवरा जय गांधीने सोशल मीडियावर भावना व्यक्त केल्यात.

जयने सोशल मीडियावर त्याचा आणि वैभवीचा फोटो पोस्ट केलाय. हा फोटो पोस्ट करून जयने इमोशनल पोस्ट लिहिली आहे.

जय लिहितो.. आपण परत भेटेपर्यंत….तुझ्या त्या खास आठवणी नेहमी माझ्या चेहऱ्यावर आनंद देत राहतील.. जर मी तुला थोडावेळ माझ्या आयुष्यात परत मिळवू शकलो असतो, तर आपण नेहमीप्रमाणे बसून बोलू शकू.

जय पुढे लिहितो.. "तुमचा कायम माझ्यासाठी स्पेशल राहशील आणि पुढेही असशील. तू आता इथे नाहीस ही वस्तुस्थिती मला नेहमीच वेदना देत राहील, परंतु आपली पुन्हा भेटत नाही तोपर्यंत तू कायम माझ्या हृदयात आहेस…. R I P माझे प्रेम.." अशी पोस्ट जय गांधीने केलीय.

दरम्यान वैभवीने निधनाआधी शेवटचा व्हिडीओ पोस्ट केला होता.. (tv actress) वैभवीने या व्हिडिओमध्ये एक कॅप्शन दिले होतं. ज्यावर असे लिहिले आहे की, 'सगळं काही बाजूला ठेवून थोडं थांबा आणि मोकळा श्वास घ्या.. कारण आयुष्यातला प्रत्येक क्षण आपण जगून घ्यायला हवा..'

हे कॅप्शन वाचून अनेकांना धक्काच बसला होता. तीची ही पोस्ट मृत्युच्या आधी १६ दिवसांपूर्वीची आहे. त्यामुळे हा व्हिडिओ आता वाऱ्यासारखा व्हायरल झाला.

याच हिमाचल प्रदेशच्या प्रवासादरम्यान तिच्या कारचा अपघात झाला आणि वैभवीचे निधन झाले. मुंबईत अभिनेत्रीच्या पार्थिवावर अंत्यसंस्कार होणार आहेत. वैभवीच्या निधनाच्या बातमीने सर्वांनाच मोठा धक्का बसला आहे.