Ashok Samarth: केवळ मराठी इंडस्ट्री नाही तर टॉलीवूड,बॉलीवूड आणि भोजपूरीतही आपल्या अभिनयानं आपली स्वतंत्र ओळख निर्माण करणारे सिंघम फेम अशोक समर्थ तब्बल ८ ते ९ वर्षांच्या ब्रेकनंतर पुन्हा मराठी मालिकांकडे वळले आहेत. 'तू तेव्हा तशी' मालिकेत सध्या ते खलनायकी पात्र आकाश जोशी रंगवताना दिसत आहेत. सकाळ पॉडकास्ट मुलाखतीत अशोक समर्थ यांनी मराठी इंडस्ट्रीविषयीची मनात असलेली खंत बोलून दाखवली आहे. त्याचवेळी त्यांनी आपलं बारामती कनेक्शन सांगताना अजित दादा पवार आणि शरदजी पवार यांच्याविषयीच्या काही आठवणी देखील शेअर केल्या आहेत.(Exclusive: Singham Fame Ashok Samarth, Tu tenvha Tashi Actor podcast Interview)

'सिंघम फेम अशोक समर्थ यांनी मराठी इंडस्ट्रीवर साधला निशाणा, ते स्पष्टच बोलले ...' ,अशोक समर्थ यांच्या पॉडकास्ट मुलाखतची लिंक इथे जोडलेली आहे. मुलाखत नक्की ऐका.

सकाळ पॉडकास्ट मुलाखतीत अशोक समर्थ यांनी आपला अभिनय प्रवास,तो करतानाचा स्ट्रगल मांडताना अनेक गोष्टी शेअर केल्या आहेत. अशोक समर्थ बारामतीकर. पवार कुटुंबाशी त्यांचे जवळचे संबंध नसले तरी त्या कुटुंबाविषयी त्यांच्या मनात असलेला जिव्हाळा त्यांच्या बोलण्यातून नक्कीच दिसून आला. स्ट्रगल करत असताना मुंबईत फुटपाथवर राहण्याची वेळ आली होती पण तेव्हा अजित दादा पवारांमुळे अशोक समर्थांना छप्पर वाट्याला आलं याचा अनुभव त्यांनी शेअर केला आहे. याच मुलाखतीत 'सिंघम' नंतर शरद पवार यांचा सहवास मिळाला तेव्हा त्यांना जवळून जाणून घेण्याची संधी मिळाली हे सांगताना समर्थ मोठं विधान करुन गेले. ते म्हणाले, 'शरद पवार कोणाला कळलेच नाहीत अजून कारण...',आता समर्थ नेमके काय म्हणालेत हे ऐकण्यासाठी बातमीत पॉडकास्ट मुलाखतीची लिंक जोडलेली आहे ती नक्की ऐका.

अशोक समर्थ जवळ-जवळ ८ ते ९ वर्षांच्या ब्रेकनंतर 'तू तेव्हा तशी' या झी मराठी वरच्या मालिकेतून मराठी इंडस्ट्रीत परतले आहेत. गेली काही वर्ष ते बिझी आहेत बॉलीवूड,टॉलीवूड आणि भोजपूरी सिनेमांमध्ये. आपण मराठीकडे पाठ फिरवण्याचं कारण म्हणजे इथे आपल्या रमू दिलं नाही याविषयी सांगताना अशोक समर्थ यांनी काही थेट वक्तव्य करत मराठी इंडस्ट्रीवर निशाणा साधला आहे. आता नेमका तो निशाणा कोणावर साधलाय आणि ती थेट तिखट वक्तव्य समर्थांनी कोणाविरोधात केली आहेत,कोणती केली आहे त हे सगळं जाणून घेण्यासाठी अशोक समर्थ यांची ही बातमीत जोडलेली पॉडकास्ट मुलाखत नक्की ऐका.