मुंबई - बांग्ला फिल्म इंडस्ट्रीमध्ये नुसरत जहानं (Nusrat Jahan) मोठं नाव कमावलं. आता ती लोकसभेत खासदार आहे. लोकांचे प्रश्न संसेदत मांडते. असं असलं तरी तिच्यावर वेगवेगळ्या प्रकारचे आरोप झाले आहेत. एखाद्या महिला लोकप्रतिनिधीवर अगदी खालच्या पातळीवर जावून आरोप करण्यात आले आहे. तिला झालेल्या मुलाचे वडिल कोण यावरुनही तिला ट्रोल करण्यात आले होते. मात्र आपल्यावर टीका करणाऱ्यांना पुरुन उरणाऱ्या नुसरतचा सोशल मीडियातील प्रभाव वाढला आहे. तिच्या फॉलोअर्सची संख्याही मोठी आहे. आता ती पुन्हा चर्चेत आली आहे त्याचे कारण तिच्या मुलाच्या वडिलांचे नाव समोर आले आहे. सोशल मीडियामध्ये त्यावरुन चर्चेला उधाण आले आहे. गेल्या काही दिवसांपासुन नुसरतला त्या प्रश्नानं हैराण केल्याचेही दिसून आले आहे.

26 ऑगस्टला नुसरतनं (Nusrat Jahan)गोड बातमी दिली. तिनं एका मुलाला जन्म दिल्याची बातमी एव्हाना सगळ्या मीडियानं लोकांना सांगितली होती. मात्र याचवेळी त्या मुलाचे वडिल कोण हा प्रश्नही अनेकांना सतावत होता. त्यावरुन नुसरला ट्रोल करण्यात आले होते. वास्तविक तिच्या वैयक्तिक आयुष्याशी संबंधित असणाऱ्या या प्रश्नावर संसदेतही काहींनी टिप्पणी केली होती. त्यामुळे त्या प्रकरणाला वेगळं वळण लागलं होतं. मीडिया प्रतिनिधींना नुसरत दिसायचा अवकाश की तिच्याबद्दल वेगवेगळ्या प्रकारच्या अफवाही पसरलेल्या दिसत आहेत. त्याचं झालं असं की, नुसरतनं आपला घटस्फोटीत पती निखिल जैनवर जेव्हा बाप असल्याचा आरोप करण्यात आला होता तेव्हा नुसरतनं त्याचा काही संबंध नसल्याचे सांगितलं होतं.

आता मुलाच्या वडिलांचं नाव समोर आलं आहे. त्या मुलाच्या वडिलांचं नाव हे यश दासगुप्ता (Yash Dasgupta) असं आहे. डॉक्टरांनी ही माहिती दिली आहे. नुसरच्या मुलाचा जन्माचा जो दाखला आहे त्यावर ही माहिती देण्यात आली आहे. त्याचा फोटो सोशल मीडियावर व्हायरल झाला आहे. त्यासंबंधीची अधिक माहिती ही कोलकत्ता महानगरपालिकेच्या वेबसाईटवर उपलब्ध आहे. आता त्याचे आणि त्याच्या मुलाचे नाव पब्लिक डोमेनमध्ये आले आहे.