मुंबई : फेडरेशन ऑफ वेस्टर्न सिने एम्प्लॉइजने (एफडब्ल्यूसीई) महाराष्ट्राचे मुख्यमंत्री उध्दव ठाकरे यांना एक पत्र लिहिले आहे. ज्यामध्ये चित्रीकरण सुरू झाल्यावर सेटवर कामगार आणि सर्व तंत्रज्ञ कशाप्रकारे काळजी घेतली जाईल आणि यासाठी कोणते नियम (गाईडलाईन्स)पाळण्यात येणार आहेत हे या पत्रात मांडण्यात आले आहे. याशिवाय या पत्रात मुख्यमंत्री यांच्यासोबत या सर्व गोष्टींबद्दलची चर्चा करण्याबाबत  व्हर्च्युअल मीटिंग करण्याची इच्छा असल्याचेही यात सांगितले आहे. अशोक पंडित यांनी हे पत्र त्यांच्या सोशल मीडियावर शेअर करत याबाबतची माहिती दिली आहे. 

मोठी बातमी ः विमानसेवा सुरु झाली अन् अनेकांनी मुंबई सोडण्याचा निर्णय घेतला...

एफडब्ल्यूसीईने लिहिलेल्या पत्रानुसार, त्याच्यासोबत हिंदी चित्रपटसृष्टी आणि टीव्ही क्षेत्राच्या एकूण 32 वेगवेगळ्या संस्था जोडलेल्या आहेत. यामध्ये 5 लाख सदस्यांचा आणि तंत्रज्ञचा समवेश आहे. लॉकडाउननंतरच्या वातावरणात चित्रीकरण सुरू केल्यानंतर कामगार आणि सर्व तंत्रज्ञ कामावर पुन्हा रुजू होण्यापूर्वी त्याच्या सुरक्षेची कशाप्रकारे काळजी घेतली जाईल हे यामध्ये सांगण्यात आले आहे. 

मोठी बातमी ः सरकारच्या निर्णयावर डॉक्टरांनी व्यक्त केली नाराजी; निर्णय आहे तरी काय?

एफडब्ल्यूसीईच्या या गाईडलाईन्समध्ये सांगण्यात आले आहे की, सेटवर चित्रीकरण सुरू करण्याआधी कास्ट आणि क्रुचे संपूर्ण वैद्यकीय तपासणी करणे अनिवार्य असणार आहे, कास्ट आणि क्रु व्यतिरिक्त बाहेरील कोणतीही व्यक्ती सेटवर उपस्थित नसेल, सेटवर सर्वांसाठी सॅनिटायझर, मास्क आणि ग्लोव्हज उपलब्ध असणे गरजेचे, निर्मात्यांनी संपूर्ण क्रुला पौष्टीक जेवणाची व्यवस्था करणे गरजेचे आहे. याशिवाय या गाईडलाईन्समध्ये निर्मात्यांना सेटवर कमी कर्मचार्‍यांसोबत काम करावे लागणार आहे. कोणीही बेरोजगार होऊ नये म्हणून त्यांना वेगवेगळ्या शिफ्टमध्ये बोलवावे लागेल असेही सांगण्यात आले आहे.

मोठी बातमी ः हजारो लालपरींची निस्वार्थ सेवा; तब्बल 4 लाख मजुरांना घडवला प्रवास

याशिवाय सेटवर एखाद्या कर्मचार्‍याचा मृत्यू कोरोनामुळे झाल्यास निर्माते त्या कर्मचार्‍याच्या कुटुंबाला ५० लाखांची मदत करतील तसेच वाहिनी आणि निर्मात्यांना कामगाराच्या वैद्यकीय खर्चाचीही काळजी घ्यावी लागणार आहे, असे अनेक नियम या पत्रात मांडण्यात आले आहे.