मुंबई - बॉलीवूड जगतातून एक धक्कादायक गोष्ट समोर आली आहे. ती म्हणजे चित्रपट निर्माते संतोष गुप्ता यांची पत्नी अस्मिता गुप्ता आणि मुलगी सृष्टी गुप्ता या दोघींचा जळून मृत्यु झाल्याची बातमी समोर आली आहे. ही घटना धक्कादायक असून त्यांनी आत्महत्या केल्याचा संशय व्यक्त केला जात आहे. त्यामुळे अनेक सेलिब्रेटींना धक्का बसला आहे. पोलिसांनी दिलेल्या प्राथमिक माहितीनुसार सोमवारी ही घटना घ़डली आहे. शेजारच्यांनी जेव्हा आग लागल्याचे पाहिले तेव्हा त्यांनी तातडीनं फायर ब्रिगेडला कळवलं. मात्र त्याचा काही उपयोग झाला नाही. आता आई आणि मुलीच्या मृत्युबाबत उलट सुलट चर्चेला उधाण आले आहे.

प्रत्यक्षदर्शींनी आई आणि मुलीला उपचारासाठी रुग्णालयात दाखल केले होते. मात्र त्यावेळी त्यांचा मृत्यु झाला. पीटीआयनं दिलेल्या माहितीनुसार त्या दोघींनाही उपचारासाठी रुग्णालयात केले होते. मिळालेल्या माहितीनुसार डॉक्टरांनी आईचा उपचारापूर्वीच मृत्यु झाल्याचे घोषित केले होते. त्या 70 टक्के भाजल्या होत्या. मुलगी सृष्टीला आता नॅशनल बर्न सेंटरमध्ये पाठवण्यात आले होते. मात्र त्यांचा उपचारा दरम्यान मृत्यु झाल्याची माहिती समोर आली आहे.

टायगरनं टी शर्ट काढल्यावर दिशाचा कडक रिप्लाय; फोटो बघाच..

मुलींना नाही तर मुलांनाच 'फेमिनिझम' शिकवण्याची गरज; कालिनभैय्या सांगतोय

माध्यमांकडून मिळालेल्या माहितीनुसार, गेल्या काही दिवसांपासून संतोष यांची पत्नी किडनीच्या एका आजारानं त्रस्त झाली होती. त्यावेळेपासून ती मोठ्या वेदनांना सामोरं जात होती. मुलीला आईच्या त्या वेदना पाहवल्या जात नव्हत्या. त्यामुळे यापुढे त्या दोघींनीही आयुष्य संपवण्याचा निर्धार केल्याची चर्चा आहे. यासाठी आत्महत्येचा विचार केला असे एक कारण प्राथमिक तपासातून समोर आले आहे. याविषयी अधिक माहिती देताना डीएन नगर पोलिस स्टेशनचे वरिष्ठ पोलीस अधिकारी भारत गायकवाड म्हणाले, दोन वेगवेगळ्या मृत्युच्या तक्रारींची नोंद करण्यात आली आहे.