मुंबई ः सध्या थिएटर्स बंद असल्याने अनेक चित्रपट निर्माते त्यांच्या चित्रपटांच्या डिजिटल रिलीजची घोषणा करत आहेत. कालच हॉटस्टारने लक्ष्मी बॉम्ब, भुज, सडक 2, द बिग बुल आदी सात चित्रपटांच्या डिजिटल रिलीजची अधिकृत घोषणा केली असून अशा प्रकारे डिजिटल रीलीजचा शुभारंभ अमिताभ बच्चन आणि आयुषमान खुराना यांच्या गुलाबो सिताबोने काही आठवड्यांपूर्वी अॅमेझॉन प्राइम व्हिडिओवर केला. पण असे असूनही काही चित्रपट चाहत्यांच्या प्रेमाखातर मोठ्या पडद्यावर प्रदर्शित होणार आहेत.
सूर्यवंशी आणि 83 या वर्षाच्या अखेरपर्यंत मोठ्या पडद्यावर प्रदर्शित होणार आहेत. लॉकडाउन जाहीर होण्याच्या काही दिवस अगोदर, 24 मार्च रोजी सूर्यवंशी मोठ्या पडद्यावर प्रेक्षकांच्या भेटीला येणार होता. तर 83 हा चित्रपट 10 एप्रिल 2020 रोजी रिलीज होणार होता.
मात्र व्यापार विश्लेषक तरण आदर्श यांनी आपल्या ट्विटर पेजवर त्यांच्या या ट्विटमध्ये "बिग डेव्हलपमेन्ट ... #सूर्यवंशी आणि #83Film प्रथम थिएटरमध्ये रिलीज करण्याची योजना आहे." असे लिहीत सूर्यवंशी दिवाळीत रिलीज होण्याची शक्यता असून यावर्षी 83 नाताळमध्ये रिलीज होण्याची शक्यता आहे जाहीर केले.
दरम्यान, "सूर्यवंशी" चित्रपटाचे दिग्दर्शन रोहित शेट्टी यांनी केले असून या चित्रपटात अक्षय कुमार मुख्य भूमिका साकारत आहे तर कतरिना कैफही अक्षयसोबत मुख्य भूमिकेत दिसणार आहे.
तर दुसरीकडे, कबीर खानच्या 1983 वर्ल्डकपवर आधारित "83" या चित्रपटात रणवीर सिंगने क्रिकेटर कपिल देव यांची भूमिका साकारली असून त्यांनी 1983 च्या विश्वचषकात भारतीय क्रिकेट संघाचे नेतृत्व केले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.