मुंबई : मराठी चित्रपटसृष्टीत आशयघन आणि दर्जेदार चित्रपटांची निर्मिती होत आहे. अनेक चित्रपटांनी राष्ट्रीय तसेच आंतरराष्ट्रीय स्तरावर मोठी झेप घेतली असल्याचे आपण पाहिलेले आहे. आता आणखी एक महत्त्वपूर्ण घटना मराठी चित्रपटसृष्टीत घडत आहे. देशाबाहेरच्या पहिल्या मराठी आंतरराष्ट्रीय चित्रपट महोत्सव 2021 चे अमेरिकेतील न्यू जर्सी येथे आयोजन करण्यात आले आहे.
याबाबत अधिक माहिती देताना MIFFच्या संचालिका नीता पेडणेकर सांगतात की, मराठी संस्कृती, कला, मूल्ये, परंपरा, संगीत यांचे अमेरिकेत जतन करणे हा या मराठी चित्रपट महोत्सवाच्या आयोजनामागील हेतू आहे. 'नेटफ्लिक्स' आणि 'अॅमेझॉन' या ऑनलाईन प्लॅटफॉर्मचेही या महोत्सवासाठी सहकार्य लाभणार आहे. या महोत्सवाच्या निवड समितीत कला दिग्दर्शक नितीन चंद्रकांत देसाई आणि 'बकेट लिस्ट ' या चित्रपटाचे निर्माते अशोक सुभेदार यांचा समावेश आहे. तर हेमंत पांड्या कार्यकारी संचालक आहेत.
मराठीत गेल्या काही वर्षांपासून काही वेगळे आणि दर्जेदार चित्रपट निर्माण होत आहेत. त्यासाठी 'श्वास', 'सैराट', 'किल्ला', 'हरिश्चंद्राची फॅक्टरी', 'नटरंग', 'फॅन्ड्री', 'देऊळ', 'नटसम्राट', 'काकस्पर्श', 'कट्यार काळजात घुसली', 'नाळ' या चित्रपटांचा खास उल्लेख करायला हवा. 'श्वास' आणि 'हरिश्चंद्राची फॅक्टरी' या चित्रपटांची तर भारताची ऑस्करसाठीची विदेशी चित्रपट विभागात अधिकृत प्रवेशिका म्हणून निवड करण्यात आली. अलिकडच्या काळात मराठीत नागराज मंजुळे (सैराट), चैतन्य ताह्मणे (कोर्ट), अविनाश-अरुण (किला) अशा नवीन दृष्टीचे दिग्दर्शक आले. न्यू जर्सी मराठी चित्रपट महोत्सवात मोफत प्रवेश घेता येईल, असे या महोत्सवाची संचालिका नीता पेडणेकर यांनी म्हटले आहे. त्यासाठी filmsfreeway.com येथे प्रवेश घेता येईल.
---
संपादन : ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.