Gautami Patil: गेल्या काही दिवसांपासून महाराष्ट्रात एका नावानं नुसता दंगा केलाय...अर्थात ते नाव आहे गौतमी पाटील. गौतमी जरी म्हणत असली की मी जो नृत्य प्रकार करते तो लावणी नाहीच मुळी, तरी तिच्या चाहत्यांनी मात्र तिला लावणीसम्राज्ञी ची उपमा जवळपास दिल्यात जमा आहे.

आज गौतमी पाटीलच्या शो ना टाळ्या,शिट्ट्या अन् गर्दीची झुंबड इतकंच घडत नाही तर इथं नाचता नाचता जीवही लोक गमावताना दिसत आहेत.

आणि याच एका कारणानं अचानक गौतमी पाटील विरोधात टोकाचा सूर निघताना दिसतोय आणि अश्लील हावभाव करत लोकांचे जीव घेण्याचा थेट आरोप करत गौतमीच्या शो वर बंदी देखील आणण्याची मागणी केली जात आहे.

यावर प्रतिक्रिया देताना आता गौतमी अनेक मुलाखतीतून म्हणाताना दिसत आहे की, ''मी चुकीचं काही करत नाही,मी मागे हटणार नाही आणि मी धमक्यांनाही घाबरत नाही''. गौतमीची सध्या हरयाणी क्वीन सपना चौधरीसोबत तुलना होताना दिसत आहे.

याविषयी एका वाहिनीच्या मुलाखतीत तिला प्रश्न विचारला असताता ती म्हणाली, ''ताईसोबत माझी तुलना होतेय हे चांगलेच आहे. प्रेक्षक प्रेम दाखवत आहेत ही गोष्ट माझ्यासाठी खूप मोठी आहे''.

गौतमीच्या कार्यक्रमांना बहुतेक वेळा चेंगराचेंगरी होते. असेच एका कार्यक्रमात चेंगराचेंगरी झाल्यानं एका माणसाला जीव गमवावा लागला होता. तसंच, लोक शो दरम्यानं कुठे तरी झाडावर किंवा पत्र्यावर,गॅलरीवर चढतात अन् पडतात..जखमी होतात हे देखील घडताना दिसत आहे.. इतकंच काय तर स्टेजवर चढून लोक धिंगाणा घालताना दिसत आहेत. त्यामुळे गौतमी पाटीलच्या लावण्यांच्या कार्यक्रमावर बंदी आणावी अशी मागणी केली जात आहे.

गौतमी मुळची खरंतर धुळ्याची राहणारी. परिस्थितीमुळे तिला शिक्षण अर्धवट सोडून डान्स शिकायला लागलं आणि कमी वयात काम करणं नशीबी आलं. सुरुवातीला शे-पाचशे रुपयांच्या मानधनावर तिने सुरुवात केली होती. आज ती एका कार्यक्रमासाठी लाखो रुपये आकारते.