Riteish Deshmukh Birthday: रितेश देशमुखचा आज वाढदिवस. रितेशने हिंदी - मराठी मनोरंजन विश्वातून सर्वांना 'वेड' लावलं. रितेश देशमुखच्या वाढदिवसानिमित्त त्याचे चाहते त्याला वाढदिवसाच्या भरभरुन शुभेच्छा देत आहेत. रितेशची पत्नी म्हणजेच महाराष्ट्राची लाडकी वहिनी जिनीलिया देशमुखने एका खास अंदाजात रितेशला वाढदिवसाच्या शुभेच्छा दिल्या आहेत.

जिनीलियाने खास अंदाजात दिल्या रितेशला शुभेच्छा

जिनीलियाने रितेशसोबतचा एक ब्लॅक अँड व्हाईट फोटो शेअर केलाय. हा फोटो शेअर करताना जिनीलिया लिहीते, "जर कोणी मला विचारले की "रितेश देशमुख कोण आहे??? मी एवढेच म्हणेन की "संपूर्ण जगातील सर्वात ग्रेट माणूस.. आणि हा ग्रेट व्यक्ती माझा आहे. हॅपी बर्थडे नवरा."

अशा शब्दात जिनीलियाने रितेशला शुभेच्छा दिल्यात.

रितेशचे आगामी सिनेमे

रितेश देशमुखने २०२३ मध्ये वेड सिनेमाच्या माध्यमातून मराठी सिनेसृष्टीला सुपरहिट सिनेमा दिला. रितेश - जिनीलिया दोघांनी या सिनेमात भूमिका साकारुन लोकांचं प्रेम मिळवलं. रितेश आता आगामी हाऊसफुल्ल 5 मध्ये अक्षय कुमारसोबत झळकणार आहे. याशिवाय तो संजय गुप्तांच्या आगामी विस्फोट सिनेमात झळकणार आहे.