मुंबई- कोरोनामुळे बॉलीवूड आणि एकुणच मनोरंजन विश्वातील मोठ मोठे महोत्सव, पुरस्कार सोहळे यांना ग्रहण लागलं. गेले सात-आठ महिने मनोरंजन विश्वातील या झगमगाटाचा दिमाख मोठ्या प्रमाणावर कमी झाला आहे. मराठी सिनेसृष्टीत अनेकदा महत्वाचे सोहळे परदेशात साजरे केले जातात. असाच आता एक फेस्टिवल परदेशात रंगणार आहे. गल्फ सिने फेस्ट २०२१’चं आयोजन करत पुन्हा एकदा मनोरंजनाचा श्रीगणेशा करण्यासाठी मराठी चित्रपटसृष्टी सज्ज झालीये. ‘गल्फ सिने फेस्ट २०२१’ पहिल्यांदाच दुबईमध्ये २० ते २३ जानेवारी दरम्यान पार पडणार आहे.
मराठी सिनेमाचा हा प्रिमिअर सोहळा असेल. ‘गल्फ सिने फेस्ट २०२१’ची संकल्पना हटके असून यात अनेक नवीन गोष्टींचा समावेश करण्यात आला आहे. या सोहळ्यामध्ये २०२१ मधील आगामी बहचर्चित अशा पाच मराठी सिनेमांती मेजवानी सिनेरसिकांना मिळणार आहे. सोबत त्या त्या सिनेमाची टीमही यावेळी उपस्थित राहणार असून ते प्रेक्षकांशी संवाद साधेल. विशेष म्हणजे आगामी मराठी सिनेमांचे ट्रेलर आणि टीझरही या सोहळ्यात दाखवले जाणार आहेत. आखाती देशातील मराठी सिनेरसिकांसाठी नवीन वर्षांची ही अनोखी भेट ठरणार आहे.
‘५ जी इंटरनॅशनल’च्या वतीने आयोजित करण्यात येणाऱ्या तीन दिवसांच्या या रंजक सोहळ्यात सिनेमांच्या मेजवानीसोबतंच इतर मनोरंजक कार्यक्रम देखील प्रेक्षकांसाठी असणार आहेत. ‘गल्फ सिने फेस्ट २०२१’च्या निमित्ताने रंगणारा हा धमाकेदार प्रिमिअर सोहळा प्रेक्षकांसाठी एक वेगळी पर्वणी ठरेल.
gulf cine fest 2021 will be held in dubai
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.