Fighter Movie News: हृतिक रोशनचा 'फायटर' चित्रपट सध्या चांगलाच गाजतोय. हृतिकच्या 'फायटर'ने पहिल्या वीकेंडमध्ये भारतात 120 कोटींहून अधिक कमाई केली आहे. पहिल्या दिवशी संथ सुरुवातीनंतर गुरुवारी प्रदर्शित झालेल्या 'फाइटर'ने शुक्रवारपासून जोरदार कलेक्शन करण्यास सुरुवात केली. इतकंच नव्हे तर आंतरराष्ट्रीय बाजारातही फायटर अव्वल ठरला आहे.

(hrithik roshan fighter historic box office collection worldwide)

जगभरात 'फाइटर'चा दबदबा

हृतिक रोशन आणि दीपिका पादुकोणच्या 'फायटर' चित्रपटाने पहिल्या वीकेंडमध्ये अनेक हॉलिवूड चित्रपटांना मागे टाकले. हा चित्रपट जगभरातील बॉक्स ऑफिसवर गेल्या वीकेंडचा सर्वात मोठा चित्रपट होता.

Comscore च्या डेटानुसार 'Fighter' ने गेल्या वीकेंडला रविवारी आंतरराष्ट्रीय बाजारातून 25 दशलक्ष डॉलर्सचा व्यवसाय केला. म्हणजेच फायटरने जगभरातील बॉक्स ऑफिसवर 208 कोटी रुपयांपेक्षा जास्त कमाई केली आहे. अवघ्या चार दिवसांत या चित्रपटाने कमाईचा हा विलक्षण आकडा पार केला आहे.

'फायटर'ने हॉलिवूड चित्रपटांना केले धोबीपछाड

'फायटर'ने गेल्या वीकेंडला अनेक लोकप्रिय हॉलिवूड चित्रपटांना मागे टाकत अव्वल स्थान मिळवले. आंतरराष्ट्रीय प्रेक्षकांच्या आवडत्या रोमँटिक-कॉमेडी 'एनीवन बट यू' ($19 दशलक्ष) आणि ॲक्शन स्टार जेसन स्टॅथमच्या 'द बीकीपर' ($18 दशलक्ष) या सिनेमांपेक्षा वीकेंडमध्ये 'फायटर'ने सर्वाधिक कलेक्शन केले.

बालाकोट एअरस्ट्राईकवर आधारित 'फायटर' प्रेक्षकांना खूप भावत आहे. चित्रपटाची एरियल ॲक्शन आणि त्याची भावनिक कथा प्रेक्षकांना आकर्षित करणारी आहे. हृतिक आणि दीपिकासोबतच या चित्रपटात अनिल कपूर, संजीदा शेख आणि करण सिंग ग्रोव्हरसारखे कलाकारही आहेत.

आठवड्याच्या शेवटी बॉक्स ऑफिसवर दमदार कमाई केल्यानंतर आता या चित्रपटाची खरी कसोटी लागणार आहे. सोमवारपासून सुरू होणाऱ्या वर्कींग डेजमध्ये 'फायटर'ची कमाई कशी होते हे पाहणे रंजक ठरणार आहे.