गेल्या काही दिवसांपासून सोशल मिडियावर सुशांत सारखाचं दिसणारा एक चेहरा व्हायरल होत होता. हा चेहरा होता हृतिक रोशनच्या विक्रम वेधमधील त्याच्या स्टंटमॅन मन्सूर अली खानचा.

त्याचा हा फोटो चाहत्यांना दिवंगत अभिनेता सुशांत सिंग राजपूतची आठवण करून देत आहे. खरं तर हृतिक रोशनचा स्टंटमॅन मन्सूरचा चेहरा सुशांतसारखाच दिसतोय . दोघेही अगदी सारखे दिसतात आणि त्यामुळेच मन्सूरची तुलना सुशांतशी केली जात आहे.

त्या फोटोला मिळालेल्या प्रतिसादानं स्टंटमॅन मन्सूर देखील आश्चर्यचकित झाला आहे आणि नुकत्याच झालेल्या संभाषणात त्याच आणि सुशांतच नातं फार जूनं असल्याचं सांगितलं. त्यानं एक दशकापूर्वी सुशांतसोबत प्रशिक्षण घेतल्याचे उघड झाले आहे.

मन्सूरने एका इग्रंजी वेबसाईटला सांगितले की, त्यानं 2009 मध्ये सुशांतसोबत त्याच मार्शल आर्ट शिक्षकाजवळ प्रशिक्षण घेतलं होतं. तो म्हणाला की, ते अनेकदा भेटायचे आणि एकमेकांशी बोलायचे. त्यावेळी सुशांतने टीव्ही इंडस्ट्रीमध्ये प्रवेश केला होता. आताही लोक त्यांच्यातील शारीरिक साम्य ओळखतात. त्याला पाहिल्यानंतर चाहत्यांना सुशांतची आठवण येते.

दिल्लीत जन्मलेले मन्सूर नोकरीच्या शोधात मुंबईत आला होता. तो म्हणाला की, त्याचे काका २५ वर्षे अॅक्शन मास्टर होते म्हणून तो चित्रपटात आलो. मन्सूरने खुलासा केला की, सलमान खानचा वॉन्टेड हा त्याचा पहिला बॉलिवूड चित्रपट होता. एक था टायगर, अग्निपथ, काबिल, बँग बँग! सुपर ३०, वॉर, आणि अगदी अलीकडे विक्रम वेध या चित्रपटातही त्यांन काम केलं आहे.

हृतिकला वाढदिवसाच्या शुभेच्छा देण्यासाठी मन्सूरने त्याचा फोटो इंस्टाग्रामवर शेअर केल्यानंतर काही दिवसांनी, तो दिवंगत एसएसआरसारखा दिसतो. त्यामुळं नेटिझन्सनी अचानक तो फोटो व्हायरल केला.