शाहरुखचा 'पठाण' आता बॉक्स ऑफिसवरचे सर्व रेकॉर्ड धडाधड मोडत आहे. भारतभरातील संपूर्ण थेटरमधलं वातावरण पठाणमय झालं आहे. पठाण निमित्ताने शाहरुख खानने 4 वर्षांनंतर हिंदी इंडस्ट्रीत कमबॅक केलंय. शाहरुखच्या पठाण सिनेमाचं अनेक कलाकार तोंड भरून कौतुक करत आहेत. यातच अभिनेता हृतिक रोशनने पठाण चं कौतुक केलंय.

ह्रतिकने नुकताच पठाण पाहिला. पठाण पाहिल्यानंतर हृतिकने त्याच्या भावना सोशल मीडियावर शेयर केल्यात.

हृतिक म्हणाला,"काय जबरदस्त ट्रिप बसली. आकर्षक प्रसंग, पूर्वी कधीही न पाहिलेले व्हिज्युअल, खिळवून ठेवणारी पटकथा, अप्रतिम संगीत, आणि आश्चर्य म्हणजे सिनेमात असणारे ट्विस्ट. सिड तू पुन्हा करून दाखवलेस, आदि तू दाखवलेल्या नावीन्याला आणि धाडसाला सलाम. शाहरुख, दीपिका, जॉन आणि संपूर्ण टीमचे अभिनंदन." अशी पोस्ट हृतिकने करून पठाणच कौतुक केलंय.

पठाण निमित्ताने यशराज पिक्चर्स स्वतःचं स्पाय युनिव्हर्स तयार करतंय. हृतिक रोशन सुद्धा या स्पाय युनिव्हर्सचा महत्वाचा भाग आहे. सलमानचा टायगर, हृतिकचा वॉर मधला कबीर आणि आता शाहरुखचा पठाण हे तिघे एकाच स्पाय युनिव्हर्सचे भाग आहेत. त्यामुळे आगामी सलमानच्या टायगर ३ सिनेमात हृतिक सलमान - शाहरुख सोबत दिसण्याची दाट शक्यता आहे. त्यामुळे या तिन्ही सुपरस्टार्सना एकाच सिनेमात बघणं हि चाहत्यांसाठी पर्वणी असेल यात शंका नाही.

पठाण ने एका दिवसात १०० कोटींची कमाई केली. गेल्या वर्षभरात एका दिवसात इतकी मोठी कमाई कोणत्या सिनेमाने केली नव्हती. पठाण मुळे बॉलिवूडला जणू काही नवसंजीवनी प्राप्त झाली आहे. पठाण निमित्ताने शाहरुख खानने 4 वर्षांनंतर हिंदी इंडस्ट्रीत कमबॅक केलं. ऍक्शन-थ्रिलर 'पठाण' २५ जानेवारीला संपूर्ण भारतभरात रिलीज झाला. पठाण पाहण्यासाठी शाहरुखचे फॅन्स तुफान गर्दी करत आहेत.

अलीकडे शाहरुख लाल सिंग चड्ढा , रॉकेटरी, ब्रम्हास्त्र अशा सिनेमात पाहुण्या कलाकाराच्या भूमिकेत झळकला.पण प्रमुख भूमिका म्हणून ४ वर्षांनी शाहरुखने पठाण च्या माध्यमातून दमदार कमबॅक केलंय. ऍक्शन-थ्रिलर 'पठाण' २५ जानेवारीला मोठ्या पडद्यावर प्रदर्शित झाला.