India Vs Aus World Cup Final 2023 King Khan Shah : भारत विरुद्ध ऑस्ट्रेलियाचा फायनलचा सामना अहमदाबाद येथील नरेंद्र मोदी स्टेडियमवर सुरु आहे. या सामन्याला वेगवेगळ्या क्षेत्रातील मान्यवरांनी हजेरी लावल्याचे दिसून आले आहे. अशातच बॉलीवूडच्या सेलिब्रेटींनी देखील आपल्या उपस्थितीनं प्रेक्षकांना जिंकून घेतले आहे.

मुंबईतील वानखेडे स्टेडियमवर झालेल्या भारत विरुद्ध न्युझीलंडच्या सेमी फायनलला मोठ्या प्रमाणात बॉलीवूडच्या सेलिब्रेटींनी उपस्थिती लावली होती. त्यात जॉन अब्राहम, माधुरी दीक्षित, शाहिद कपूर, कियारा अडवाणी, सिद्धार्थ मल्होत्रा, सुपरस्टार रजनीकांत यांनी चाहत्यांची पसंती मिळवली होती. त्यानंतर आजच्या अंतिम सामन्याला देखील प्रसिद्ध सेलिब्रेटींनी हजेरी लावत टीम इंडियाला सपोर्ट केले आहे.

Mahua Moitra : महुआ मोइत्रा यांच्यावरील कारवाई आणि वादांची मालिका

बॉलीवूडचा किंग खान शाहरुख आणि त्याचा मुलगा आर्यन खान हे देखील भारत विरुद्ध ऑस्ट्रेलियाच्या सामन्याला उपस्थित असल्याचे व्हिडिओ समोर आले आहेत. त्याला प्रेक्षकांचा मोठा प्रतिसाद मिळाला आहे. यापूर्वी किंग खान शाहरुख हा फायनलला उपस्थित राहणार असल्याच्या चर्चांना उधाण आले होते. आता शाहरुख, आर्यन खान, सुहाना आणि अब्राहम यांच्या स्टेडियममधील फोटोंनी चाहत्यांच्या उत्साहाला उधाण आले आहे.

वानखेडे स्टेडियमवर बॉलीवूडच्या सेलिब्रेटींनी केलेली गर्दी खूप काही सांगून जाणारे होते. यावेळी जगप्रसिद्ध फुटबॉलपटू डेव्हिड बेकहॅमनं भारतीय खेळाडुंचा उत्साह वाढवला होता. त्याच्या उपस्थितीनं प्रेक्षक भारावून गेले होते. त्यानंतर आता अहमदाबादमधील स्टेडिमयवरील किंग खानच्या लूकनं प्रेक्षकांना प्रतिक्रिया देण्यास भाग पाडले आहे. या वर्षात किंग खानच्या चित्रपटांना प्रेक्षकांचा तुफान प्रतिसाद मिळाला होता.

या वर्षी शाहरुखचा पठाण, जवान चित्रपट प्रदर्शित झाला असून डिसेंबरमध्ये त्याचा डंकी नावाचा चित्रपट प्रेक्षकांच्या भेटीला येणार आहे. प्रसिद्ध दिग्दर्शक राजकुमार हिरानी यांनी त्या चित्रपटाचे दिग्दर्शन केले असून त्यात तापसी पन्नु, विकी कौशल यांच्याही भूमिका आहेत.