Aamir Khan Daughter Ira Pre Wedding Functions: आमिर खानची मुलगी इरा खान नेहमीच कोणत्या ना कोणत्या कारणाने चर्चेत असते. कधी तिच्या वक्तव्याबद्दल तर कधी तिच्या सोशल मीडिया पोस्टमुळे. मात्र सध्या इरा तिच्या लग्नामुळे चर्चेत आहे. इराने 18 नोव्हेंबर 2022 रोजी तिचा बॉयफ्रेंड नुपूर शिखरेसोबत एंगेजमेंट केली.

इरा खान लवकरच नुपूर शिखरेसोबत लग्न करणार आहे. जानेवारीत हे दोघे लग्न बंधनात अडकणार असल्याच्या चर्चा आहे. तर आता दोघांच्या लग्नाचे प्री-वेडिंग फंक्शन्स सुरु झाले आहे.

नुकतच इरा खान आणि नुपूरच्या लग्नाच्या कार्यक्रमांची सुरुवात केळवण सोहळ्याने झाली आहे. इरा आणि नुपूरच्या केळवणचे फोटो सध्या सोशल मिडियावर व्हायरल होत आहे.

नुपूरच्या फॅमिलीने इरासाठी खास केळवण सोहळ्याचे आयोजन केले होते. नुपूर - इरा हे दोघे सध्या केळवणाचा आनंद घेत आहेत. यावेळी इरा महाराष्ट्रीय लूकमध्ये दिसली, यावेळी इराने गुलाबी-पांढरी लहरिया साडी नेसली होती.

तर नुपुरने कुर्ता पिरधान केला होता. इराने नाकात नथ आणि पांरपारिक लूक केला होता. यावेळी इराने खास मराठीत उखाणा घेतला.

दोघांचा जोडा अगदी शोभुन दिसत होता. त्यांच्यासोबत इरा आणि नुपूरचे नातेवाईक दिसले. रीना दत्ता नुपूरची आई प्रीतम शिखरेसोबत दिसली होती. इराची जवळची मैत्रीण अभिनेत्री मिथिला पालकरही तिच्यासोबत दिसली.

मिडिया रिपोर्टनुसार, इरा आणि नुपूर 3 जानेवारी 2024 रोजी कोर्ट मॅरेज करणार आहेत. यानंतर ते उदयपूरला डेस्टिनेशन वेडिंग करणार आहेत. त्यानंतर आमिर खान 13 जानेवारीला मुंबईत आपल्या मुलीच्या लग्नाचे भव्य रिसेप्शन देणार आहेत. आता केळवणानंतर दोघांच्या लग्नाच्या तयारीला सुरुवात झाली असल्याचे दिसतेय.