सध्या सोशल मीडियावर बॉलिवूड अभिनेत्री जान्हवी कपूरची बरीच चर्चा आहे. त्यामागचं कारणसुद्धा तसंच खास आहे. 'धडक' चित्रपटातून बॉलिवूडमध्ये पदार्पण करणाऱ्या जान्हवीचा आतापर्यंत आपण सोज्वळ लूक पाहिला आहे. पण पहिल्यांदाच जान्हवीने तिचा बोल्ड अवतार सोशल मीडियावर पोस्ट केला आहे. सध्या मालदीव बॉलिवूड सेलिब्रिटींचं फेव्हरेट डेस्टिनेशन बनलं आहे. तिथल्या समुद्र किनाऱ्यांवरुन हे सेलिब्रिटी वेगवेगळ्या पोझमधले फोटो पोस्ट करत असतात. आता या सेलिब्रिटींमध्ये जान्हवी कपूरचा समावेश झाला आहे. 

जान्हवीने मालदीवच्या समुद्र किनाऱ्यावरचे तिचे बिकिनी लूकमधले फोटो इन्स्टाग्रामवर पोस्ट केले आहेत. या फोटोंची बरीच चर्चा आहे. कारण पहिल्यांदाच जान्हवीने तिचा इतका बोल्ड, हॉट अवतार दाखवला आहे. एका ट्रॅव्हल मॅगझिनच्या कव्हर फोटोशूटसाठी जान्हवी मालदीवला गेली आहे. जान्हवीने शुक्रवारी तिच्या इन्स्टा अकाऊंटवर हिरव्या, पिवळया रंगातील फ्लोरल बिकिनीमधला एक फोटो पोस्ट केला. जान्हवीने या तिच्या सेक्सी लूकमधल्या फोटोला 'आयलँड गर्ल' असे कॅप्शन दिले आहे  

हेही वाचा : लाइमलाइटपासून दूर असलेली आयशा प्लास्टिक सर्जरीनंतर दिसते अशी

जान्हवीने मालदीव ट्रीपमध्ये तिच्यासोबत असलेल्या मुलींचाही एक फोटो पोस्ट केल्या. यात तिचे मेकअप आणि हेअर स्टायलिस्ट आहेत. जान्हवी याआधी 'रुही' या हॉरर कॉमेडी चित्रपटात दिसली होती. या चित्रपटात तिच्यासोबत राजकुमार राव आणि वरुण शर्मा होते. जान्हवी लकवरच 'गुड लक जेरी' चित्रपटात दिसणार आहे. सिद्धार्थ सेनगुप्ता यांनी हा चित्रपट दिग्दर्शित केला आहे.