जॅकलीन फर्नांडिस (Jacqueline Fernandez)मागील काही महिन्यांपासून भलतीच चर्चेत आहे. कॉनमॅन सुकेश चंद्रशेखर (Conman Sukesh Chandrashekhar) सोबतच्या तिच्या प्रेम प्रकरणामुळे तर जरा जास्तच तिच्याभोवती प्रसिद्धिचं वलय आहे. ईडीने सुकेश चंद्रशेखर मनी लॉन्ड्रिंग केस(Money Laundering Case) प्रकरणात जॅकलिन फर्नांडिसची चौकशी केली होती. पण खूप कमी जणांना माहित आहे की या दोघांच्या प्रेम कहाणीची सुरुवात नेमकी झाली कशी? ईडी समोर हजेरी लावण्यापासून अनेकदा आतापर्यंत जॅकलिनच्या नावे समन्स जारी करण्यात आलं आहे. याव्यतिरिक्त कितीतरी वेळा सुकेशसोबतचे तिचे फोटो सोशल मीडियावर व्हायरल केले गेले आहेत. पण आता जो रिपोर्ट्स समोर आला आहे,त्यात बोललं जात आहे की जॅकलीन आणि सुकेशच्या प्रेम कहाणीची सुरुवात २०२१ मध्ये तिहार जेलमधून मेसेज करण्यापासून सुरू झाली.(Jacqueline Fernandez Received Calls,Texts From Conman Sukesh Chandrashekhar while he was in Tihar Jail? Here's what we know)

एका इंग्रजी वर्तमानपत्राच्या वृत्तानुसार,जॅकलिनने सुरुवातीला सुकेशला काहीच उत्तर दिलं नाही,पण नंतर आपल्या हेअरड्रेसरच्या माध्यामतून तिनं त्याच्याशी संपर्क साधला. त्यावेळी कॉनमॅन सुकेश चंद्रशेखरने एका टी.व्ही नेटवर्कचा मालक आणि बिझनेसमनच्या रुपात तिच्यासमोर स्वतःची ओळख ठेवली. सुकेशने तेव्हा असा देखील दावा केला होता की गृहमंत्री अमित शहांच्या तो खूप जवळचा आहे. जॅकलीनने ईडीला सांगितलं होतं की, सुकेश आपल्याला मेसेज करायचा तेव्हा तिहार जेलमध्ये होता याविषयी काहीच कल्पना नव्हती.

ईडीच्या सूत्रानं दावा केला आहे की ,सुकेश पेरोलवर बाहेर आल्यानंतर जॅकलीनला दोन वेळा भेटला होता. यापैकी एकदा जॅकलीन सुकेशला चेन्नईत भेटली होती. जेव्हा-जेव्हा जॅकलीन सुकेशला भेटण्यासाठी बोलवायची तेव्हा तो कोव्हिड नियमांचे कारण द्यायचा. त्यानंतर कोरोनाची दुसरी लाट आली होती. ईडीच्या अधिकाऱ्यांना जॅकलीनने इतकं देखील सांगितलं होतं की,तिनं सुकेशविषयी वर्तमानपत्रात वाचलं. तिला सांगितलं गेलं होतं की,सुकेशला खोट्या केसमध्ये अडकवलं गेलं आहे.

जॅकलिनच्या सिनेमांविषयी बोलायचं झालं तर ती साऊथ सुपरस्टार किच्चा सुदीपच्या 'विक्रांत रोना' सिनेमात दिसणार आहे. २८ जुलै रोजी हा सिनेमा सिनेमागृहात प्रदर्शित होणार आहे. याव्यतिरिक्त ती 'टेल इट लाइक अ वुमन' या सिनेमातून हॉलीवूडमध्ये पदार्पण करणार आहे. रणवीर सिंग सोबत 'सर्कस', अक्षय कुमारच्या 'राम सेतू' मध्ये तर सलमानच्या 'किक २' सिनेमातही मुख्य भूमिका साकारताना दिसेल.