Pushpa 2 Movie News: अल्लू अर्जुनचा 'पुष्पा २' हा बहुप्रतिक्षित चित्रपटांपैकी एक आहे. या चित्रपटाची सध्या मनोरजंन विश्वात भलतिच चर्चा रंगली आहे. काही दिवसांपूर्वीच या चित्रपटाचा टीझर समोर रिलिज करण्यात आला आहे. हा टिझर रिलिज होताच त्याने सोशल मिडियावर खळबळ उडवून दिली होती.

अल्पावधीतच याच्या टीझरला भरपूर लाईक्स आणि व्ह्यूज मिळाले आहेत. मात्र या चित्रपटातील अल्लू अर्जूनच्या नव्या पोस्टरनं सर्वांच लक्ष वेधलं. या पोस्टरमध्ये अल्लू अर्जुन भरजरी साडी नेसलेली दिसत आहे. कानात झुमके, हातात बांगड्या अन् गळ्यात ज्वेलरी आणि गळ्यात लिंबाची माळ घातली आहे.

अशा अल्लू अर्जुनच्या लूकनं त्याच्या चाहत्यांचे लक्ष वेधले आहे. यानंतर सर्वजण या चित्रपटाच्या ट्रेलरची आतुरतेने वाट पाहत आहेत. तसचं प्रेक्षकांना या चित्रपटासंबधित अपडेट जाणुन घेण्याची उत्सूकताही तितकीच आहे.

त्याचबरोबर आता या चित्रपटात एका नव्या खलनायकाची एन्ट्री झाली आहे. अशी बातमी समोर आली आहे. अल्लू अर्जुन म्हणजेच ​​पुष्पाला यावेळी एक नव्हे तर दोन खलनायकांचा सामना करावा लागणार आहे. तो दोन व्हिलनला भिडणार आहे.

आता या चित्रपटात साऊथ स्टार जगपती बाबूची खलनायक म्हणून एन्ट्री झाली आहे. खुद्द अभिनेत्यानेच याबद्दल माहिती दिली आहे. ईदच्या मुहूर्तावर प्रदर्शित झालेल्या सलमान खानच्या किसी का भाई किसी की जान या चित्रपटातून बॉलिवूडमध्ये पदार्पण करणाऱ्या जगपती बाबूने स्वत: या चित्रपटाच्या प्रमोशनदरम्यान याची पुष्टी केली.

या विषयी बोलतांना जगपती बाबू म्हणाले, सुकुमारसोबत काम करणं नेहमीच रोमांचक असतं कारण पुढे काय होणार आहे हे तुम्हाला कधीच माहीत नसतं. पुष्पा २ हे आव्हान आहे आणि मला आव्हाने आवडतात. सुकुमारने मला नेहमीच उत्तम पात्रे दिली आहेत. मला त्याच्यासोबत कधीही काम करायला आवडतं.

पुष्पाविषयी सांगायचे तर मला चित्रपटाचा पहिला भाग खूप आवडला. जगपती बाबूने असेही सांगितले की अल्लू अर्जुनला 20 वर्षांपूर्वी एका जिममध्ये पाहिल्यापासून तो नेहमी त्याच्याकडे लक्ष देतो. तेव्हा ते त्याला ओळखत नव्हते पण आता तो सुपरस्टार आहे.

चित्रपटाच्या प्रदर्शनाबाबत अद्याप अधिकृत मिळालेली नसली तरी, मात्र हे असेल तर तेलुगू चित्रपटसृष्टीतील हा एक नवा विक्रम ठरेल. अल्लू अर्जुनसोबत या चित्रपटात रश्मिका मंदान्ना, फहद फासिल हे देखील दिसणार आहेत.