Janhvi Kapoor Birthday : बॉलीवूड अभिनेत्री जान्हवी कपूरचा आज वाढदिवस.. आज जान्हवी 26 वर्षांची झाली. अर्थात जान्हवी आता लग्नाला आली असं म्हणायला हरकत नाही.

सध्या जान्हवीची आई म्हणजे अभिनेत्री श्रीदेवी नसल्याने तिची संपूर्ण जबाबदारी वडील बोनी कपूर यांच्यावर आहे. त्यामुळे अर्थात जान्हवीचं लग्न हा त्यांच्यासाठी एक महत्वाचा विषय असणार आहे.

तबोनी कपूर यांनी जान्हवीला मुलगा निवडण्याची मुभा दिली आहे खरी, पण जावई कसा हवा त्यासाठी एक अट त्यांनी घातली आहे, त्याविषयीच आज जाणून घेऊया..

बोनी कपूर यांना एका मुलाखतीत जावई कसा हवा असे विचारले गेले. त्यावर बोनी यांनी अत्यंत मजेशीर उत्तर दिले. त्यावर ते म्हणाले, 'तिला कोण हवा.. हे निवडण्याच तिला पूर्ण स्वातंत्र्य आहे. त्यामुळे ती नक्कीच चांगला मुलगा निवडेल. आमची फक्त एक अट आहे, ती जान्हवी सांगेलच.'

त्यावर जान्हवी म्हणाली, 'वडिलांनी मुलगा निवडण्याची परवानगी दिली खरी पण अट मात्र घातली. ती म्हणजे जावई आपल्यासारखा उंच हवा. पपांना माझ्याबद्दल फारशी काळजी नाही. त्यांना माहिती आहे मी त्यांना निराश करणार नाही. त्यांचे फक्त एकच सांगणे आहे. माझ्यासारखा उंच जावई मला हवा. माझ्या वडिलांची उंची 6 फुट 1 इंच एवढी आहे.'

त्यामुळे आता मला एवढ्या उंचीचा मुलगा शोधायचा आहे, असंही जान्हवी म्हणाली होती. जान्हवी म्हणते, 'मला पप्पा नेहमी म्हणायचे, तू ज्या मुलाबरोबर लग्न करणार आहेस त्यापूर्वी आपण एकदा जगभ्रमंतीला जाऊ. मला आणि खुशीला ते या गोष्टी ते सांगत असतात. हे सगळं काही आमच्यासाठी खूप खास आहे.'