मुंबई- अभिनेत्री जान्हवी कपूरने कमी वयात एक मोठी कामगिरी केली आहे. करिअर बनल्यानंतर घर बनवायला जिथे काही लोकांना वर्ष लागतात तिथे बोनी कपूर आणि दिवंगत श्रीदेवी यांची मोठी मुलगी जान्हवी कपूरने बॉलीवूडमध्ये पदार्पण केल्यानंतर काही वर्षातंच स्वतःसाठी मुंबईत घर खरेदी केलं आहे. जान्हवीचं नवीन घर मुंबईतील जुहू भागात आहे. जे एका इमारतीत ३ मजल्यांचं आहे. 

हे ही वाचा: सोनु सूदच्या आगामी सिनेमाची घोषणा, अमिताभ यांनीही दिल्या शुभेच्छा

अभिनेत्री जान्हवीने तसं पाहायला गेलं तर तर जेमतेम सिनेमे केलं मात्र तेही काही फार यशस्वी झाले नाहीत. मात्र तरीही तिने जे मुंबईत घर घेतलं आहे त्याची किंमत ऐकून तुमचे डोळे चक्रावतील. रिपोर्ट्सनुसार जान्हवीने या घराची किंमत ३९ कोटींमध्ये फायनल केली आहे. जान्हवीने ७ डिसेंबरला या घराची डिल फायनल केली होती. असं म्हटलं जात आहे की जान्हवीने या घरासाठी ७८ लाख रुपयांची स्टॅम्प ड्युटी देखील भरली आहे. सध्या जान्हवी बहीण खुशी आणि वडिल बोनी कपूर यांच्यासोबत लोखंडवालामध्ये राहतेय. 

श्रीदेवीच्या निधनानंतर जान्हवी मोठी मुलगी आणि बॉलीवूडमध्ये पदार्पण करण्याच्या कारणाने प्रकाशझोतात आली. २०१८ मध्ये तिने धडक सिनेमातून बॉलीवूडमध्ये पदार्पण केलं. त्यानंतर ती शेवटची गुंजन सक्सेना द कारगिल गर्ल या सिनेमात दिसून आली होती. हा सिनेमा लॉकडाऊनमध्ये नेटफ्लिक्स या ओटीटी प्लॅटफॉर्मवर रिलीज झाला होता. जान्हवी केवळ २३ वर्षांची आहे आणि आत्ता कुठे तिच्या सिनेकारकिर्दिला सुरुवात झाली आहे. अशातंच तिने एवढी मोठी इंवेस्टमेंट करत सगळ्यांना आश्चर्याचा धक्का दिला आहे.

जान्हवी आगामी दोन सिनेमांमध्ये झळकणार आहे. यामध्ये 'दोस्ताना २' आणि 'रुही अफ्जाना' सारख्या सिनेमांचा समावेश आहे. जान्हवी सध्या न्यु इयर सेलिब्रेशन आणि वॅकेशन अभिनेता कार्तिक आर्यनसोबत एन्जॉय करताना दिसते. दोघांचे गोव्यामधील फोटो व्हायरल झाले आहेत.    

janhvi kapoor buys new house in juhu worth rs 39 crore